މާރާމާރީއެއްގައި ޒުވާނެއްގެ ބޯ ފަޅާލައިފި

Oct 7, 2012

ކުޅުދުއްފުށީގައި މިރޭ ހިންގި މާރާމާރީއެއްގައި ޒުވާނެއްގެ ބޯ ފަޅާލައިފި އެވެ.

މިރޭ ގާތްގަނޑަކަށް 9:30 ހާއިރު ހިނގި މި މާރާމާރީއާބެހޭ މާ ބޮޑު ތަފްސީލެއް އަދި ލިބިފައެއް ނުވެއެވެ. މާރާމާރީ ހިނގިތާ ކުޑައިރުކޮޅެއް ފަހުން ކުޅުދުއްފުށީ އަމީނީމަގުން ތިން ޒުވާނަކު ހައްޔަރުކޮށްގެން ގެންދާ މަންޒަރު މިނޫހުގެ ރިޕޯޓަރަކަށް ވަނީ ފެނިފައި އެވެ.

އެހެންނަމަވެސް އެއީ ސީދާ މާރާމާރީއާ ގުޅިގެން ހައްޔަރުކުރި މީހުންކަމެއް ޔަގީނެއް ނުވެއެވެ. މިހާދިސާއާބެހޭ އިތުރު މައުލޫމާތު ހޯދުމަށް ފުލުހުންގެ މީޑިޔާ އޮފިޝަލަށް ތަކުރާރުކޮށް ގުޅުމުންވެސް ފޯނަށް ޖަވާބު ދީފައެއް ނުވެއެވެ.

މިރޭ ހިނގި މާރާމާރީގައި ޒަހަމްވި ޒުވާނާއަށް ކުޅުދުއްފުށީ ރީޖަނަލް ހޮސްޕިޓަލުގައި ވަނީ ފަރުވާ ދީފައި އެވެ. މާރާމާރީގައި ޒަހަމްވީ ކުޅުދުއްފުށީގެ ޒުވާނެއްކަން ވަނީ އެނގިފައެވެ.

މިލިޔުމާއި ގުޅޭ