.
ކުޅުދުއްފުށީގައި އެމްޑީޕީގެ ހަރަކާތްތައް ހިންގުމަށް އެޕާޓީއަށް 3 އަހަރުދުވަހުގެ މުއްދަތަށް ބިމެއް ދޫކޮށްފި އެވެ.
އިއްޔެ ކުޅުދުއްފުށީ ކައުންސިލުން އެމްޑީޕީއަށް ބިން ދޫކޮށްފައިވަނީ ކުޅުދުއްފުށީ “އާ ޕޮއިންޓް ހާޑްވެއަރ” ފިހާރަ ކުރިމަތިން އޮންނަ ސަރަހައްދުންނެވެ.
ކުޅުދުއްފުށީ އެމްޑީޕީގެ ދެކުނު ދާއިރާގެ ނައިބު ރައީސް އަލީ މުހައްމަދު ވިދާޅުވީ އެ ޕާޓީއަށް ދޫކޮށްފައިވަނީ 150×100 ފޫޓްގެ ބިމެއް ކަމަށެވެ. އަދި އެ ބިން ދޫކޮށްފައިވަނީ ކުއްޔަށް ކަމަށް އޭނާ ވިދާޅުވި އެވެ.
އެމްޑީޕީއަށް ދޫކުރި ބިމުގައި ވަރަށް އަވަސް މުއްދަތެއްގައި އެޕާޓީގެ ހަރުގެއެއް އަޅާ ނިންމާލެވޭނެ ކަމަށް އަލީ މުހައްމަދު ވިދާޅުވި އެވެ.
މިކަމާގުޅިގެން ކުޅުދުއްފުށީ ކައުންސިލުގެ ބަހެއް ހޯދުމަށް ކުރި މަސައްކަތް ވަނީ ކާމިޔާބުވާގޮތް ނުވެފައި އެވެ. އަދި އެބިން ކުއްޔަށް ދޫކުރީ ކިހާވަރަކަށް ކަންވެސް އެނގޭ ގޮތް ވަނީ ނުވެފައި އެވެ.
ކުޅުދުއްފުށީ ޑިވެލޮޕްމަންޓް ކޯޕަރޭޝަނަށް ދޫކޮށްފައިވާ ކުޅުދުއްފުށީ ހިއްކި ސަރަހައްދުގައި ހުއްދަ ހޯދުމެއްނެތި އެމްޑީޕީއިން ވަނީ ކޮންކްރީޓުން ބުޑުއަޅައިގެން ރަނގަޅު ފެންވަރަކަށް ސްކްރީނެއްވެސް ބަހައްޓާފައި އެވެ.
ކުޅުދުއްފުށިން އެމްޑީޕީގެ ސިޔާސީ ހަރަކާތްތައް ހިންގުމަށް ބިންދޫކުރި މައްސަލައިގައި އެކި ފަރާތްތަކުން އަންނަނީ ހިތްހަމަނުޖެހުން ފާޅުކުރަމުންނެވެ. އަދި ހުއްދަ ހޯދުމެއްނެތި ހިއްކި ސަރަހައްދުގައި އެޕާޓީން ސްކްރީނެއް ބެހެއްޓި މައްސަލައިގައިވެސް ބަޔަކު ވަނީ ކައުންސިލާ ބައްދަލުކޮށް ޝަކުވާކޮށްފައި އެވެ.
ކުޅުދުއްފުށި އޮންލައިނަށް އެނގިފައިވާ ގޮތުގައި މިގޮތަށް ބިން ދޫކުރަން ކައުންސިލުން ނިންމާފައިވަނީ އެއިރެއްގައި އޮންނަ އެންމެ މެމްބަރުން ގިނަ 2 ސިޔާސީ ޕާޓީއަށެވެ.
ކުޅުދުއްފުށީ ކައުންސިލުގައި ތިއްބަވަނީ މުޅިންވެސް އެމްޑީޕީއަށް ނިސްބަތްވާ ކައުންސިލަރުންނެވެ.
33 ކޯހާއެކު ޤައުމީ ޔުނިވާސިޓީ ކުޅުދުއްފުށީ ކެމްޕަހުގައި ފެބްރުވަރީ 2025 އިންޓޭކަށް ހުޅުވާލައިފި
އަންނައަހަރު އެންމެ އިސްކަމެއްދޭނީ ނަމާދަށް ލޯބިޖެއްސުންމަށް: ޝަހީމް
އިސްލާހުތަކަކީ މިނިވަންކަމާ ސިޔާދަތަށް މުހިންމު ނިންމުންތަކެއް: ރައީސް
އިޒްރޭލު ޕާސްޕޯޓު މަނާކުރުން އަވަސްކުރަން ގޮވައިލި ގަރާރު ބޭރުކޮށްލައިފި
