ސްކޫލުތަކުގެ ބެލެނިވެރިންގެ މެދުގައި ބާއްވާ ތިންވަނަ ނެޓްބޯޅަ މުބާރާތް މިއަދު ފެށިއްޖެ

.

ކުޅުދުއްފުށީ ޔޫތު އެންޑް ރެކްރިއޭޝަން ކްލަބުން އިންތިޒާމު ކޮށްގެން ބާއްވާ 3 ވަނަ އިންޓަރ ސްކޫލް ޕޭރެންޓްސް ނެޓްބޯލް ޓޯނަމެންޓް މިއަދު ފެށިއްޖެ އެވެ.

މިމުބާރާތުގައި ކުޅުދުއްފުށީގެ ފަސް ސްކޫލުގެ ބެލެނިވެރިން ބައިވެރިވެފައިވާއިރު މިއަދުގެ ފުރަތަމަ މެޗްގައި ބައްދަލުކޮށްފައިވަނީ ޖަލާލުއްދީން ސްކޫލާއި އިރުމަތި އަވަށު ޕްރީ ސްކޫލް (އައިޕީއެސް) އެވެ. މި މެޗް 7 ޕޮއިންޓް 31 ޕޮއިންޓުން ކާމިޔާބު ކޮށްފައިވަނީ އައިޕީއެސްގެ ޓީމެވެ. އަދި ދެވަނަ މެޗްގައި އަމީރު އަމީން ސްކޫލާއި އަފީފުއްދީން ބައްދަލުކޮށް 16 ޕޮއިންޓް 34 ޕޮއިންޓުން ކާމިޔާބްކޮށްފައިވަނީ އަމީރުއަމީން ސްކޫލެވެ.

މޯލްޑިވްސް ނެޓްބޯލް އެސޯސިއޭޝަންގެ އެމްޕަޔަރުން ފަނޑިޔާރުކަން ކުރައްވާ މި މުބާރާތުގައި ޗެމްޕިއަން ޓީމުގެ އިތުރުން އެންމެ ދުވަސްވީ ކުޅުންތެރިޔާ ހޮވުމަށްވެސް ވަނީ ހަމަޖެހިފައެވެ. މި މުބާރާތުގެ މެޗްތައް ކުރިއަށްދާގޮތް ބެލުމަށް ނެޓްބޯލް އެސޯސިއޭޝަން އޮފް މޯލްޑިވްސްގެ އެއް ޖެނެރަލް ސެކެޓްރީ ކަމަށްވާ މުހައްމަދު ހުޝާމް ދަނީ ހަރަކާތްތެރިވަމުންނެވެ.

މިމުބާރާތް އަންނަ ނޮވެމްބަރ މަހުގެ 3 ގެ ނިޔަލަށް ކުރިއަށްދާނެއެވެ.