އަންހެނުންގެ ތަރައްޤީއަށް މަސައްކަތް ކުރާ ކޮމިޓީތަކުގެ އިންތިޚާބުގެ ވޯޓްލުން ފެށިގެން ކުރިއަށް އެބަދޭ

އަންހެނުންގެ ތަރައްޤީއަށް މަސައްކަތް ކުރާ ކޮމިޓީތަކުގެ އިންތިޚާބްގެ ވޯޓްލުން ފަށައިފިއެވެ.

މިއަދު ހެނދުނު 9 ޖެހި އިރު ކުޅުދުއްފުށީގައި ބެހެއްޓިފައިވާ ދެފޮއްޓަށްވެސް ވަނީ ވޯޓްލާން ފަށާފައެވެ. ވޯޓްލާން ފެށިއިރު ވޯޓްލާން އައިސްތިބީ ވަރަށް މަދުމީހެކެވެ. އެހެންނަމަވެސް އޮބްޒާވަރުންނާއި ކެނޑިޑޭޓްގެ މަންދޫބުން ދަނީ އެސަރަހައްދުގައި ހަރަކާތްތެރިވަމުންނެވެ.

ކުޅުދުއްފުށީގައި 9 މެމްބަރުން އިންތިޚާބްކުރުމަށް ހަމަޖެހިފައިވާ މިއިންތިޚާބަށް 23 ކެނޑިޑޭޓުން ވަނީ ކުރިމަތިލާފައެވެ. މިއިންތިހާބާއި ގުޅިގެން ކޮމްޕްލެއިންސް ބިއުރޯއަށް އެއްވެސް މައްސަލައެއް އަދި ހުށައެޅިފައެއް ނުވެއެވެ.

މިގޮތުން ހދ އަތޮޅުގައި ވޯޓްލުން ކުރިއަށްދަނީ 6 ރަށެއްގައެވެ. އެއީ ނާވައިދޫ، ކުރިނބީ، ނޮޅިވަރަމް، ކުޅުދުއްފުށި، ވައިކަރަދޫ އަދި މަކުނުދޫއެވެ.  ކުރިނބީ ފިޔަވާ އެހެން ހުރިހާ ރަށެއްގައި އިންތިޚާބުގެ ވޯޓްލުން ވަނީ ފެށިފައެވެ. ކުރިނބީގައި ވޯޓްލާ ސަރަހައްދަށް ވޯޓްލާނެ މީހަކު އައިސްފައި ނުވުމުން ވޯޓްލުން ފެށިފައިވަނީ 9:07 ގައެވެ.

ހދ. ނޭކުރަންދޫ އާއި ނޮޅިވަރަމް ފަރުގެ އަންހެނުންގެ ކޮމެޓީއަށް ހޮވުމަށް ކަނޑައެޅިފައިވާ 5 މެމްބަރުން ކުރިމަތިލާފައިވުމުން އެ ކެނޑިޑޭޓުން ވަނީ އިންތިޚާބަކާނުލާ އައްޔަންވެފައެވެ.

ރާއްޖޭގެ 201 ރަށެއްގައި މި ވޯޓްލުން ކުރިއަށް ދާނެއެވެ.