ރާއްޖޭން ބޭރަށް ގުޅައިގެން އައިފޯން 5 އަދި 350000 ރުފިޔާގެ ފައިސާގެ އިނާމު ލިބޭ ޕްރޮމޯޝަނެއް ފަށައިފި

ވަތަނިއްޔާ ނަންބަރުތަކުން ރާއްޖޭން ބޭރަށް ގުޅައިގެން އައިފޯން 5 އަދި 350000 ރުފިޔާގެ ފައިސާގެ އިނާމު ލިބޭ ޕްރޮމޯޝަނެއް ފަށައިފި އެވެ.

“އައިޑީޑީ ކޯލް އެންޑް ވިން” ގެ ނަމުގައި ކުރިއަށް ގެންދާ މިޕްރޮމޯޝަންގައި އައިފޯނާއި ފައިސާގެ އިނާމުގެ އިތުރުން އެކި މަންޒިލްތަކަށް ދެކޮޅު ޓިކެޓް ވެސް ގުރުއަތުން ހޮވޭ ފަރާތްތަކަށް ލިބޭގޮތަށް ވަނީ ހަމަޖައްސާފައެވެ. މި ޕްރޮމޯޝަން މިމަހުގެ 9 އިން އަންނަ އަހަރުގެ ޖެނުއަރީ 31 ގެ ނިޔަލަށް ކުރިއަށް ދާނެކަމުގައި ވަތަނިއްޔާ އިން މަޢުލޫމާތު ދެއެވެ.

މި ޕްރޮމޯޝަނުގައި ވަތަނިއްޔާގެ ނަމްބަރުތަކުން ރާއްޖެއިން ބޭރަށް ކުރާ އައިޑީޑީ ކޯލް ތަކަށް 100 ރުފިޔާ ހަރަދު ކުރުމުން ކޮންމެ ދެހަފްތާ އަކުން އެއް ފަހަރު އޮންނަ ގުރުއަތުލުމަށް ހޮވޭނެއެވެ. ކޮންމެ ދެހަފްތާއަކުން އެއްހަފްތާ އޮންނަ ގުރުއަތުލުމުން ހޮވޭ ފަރާތަކަށް އައިފޯން 5 ގެ އިތުރުން ދެކޮޅު ޓިކެޓް އަދި 2000 ގެ އަގުހުރި އިނާމްތައް ހިމެނޭ ގިފްޓް ވައުޗަރއެއް ދިނުމަށް ވަނީ ހަމަޖެހިފައެވެ. ވަތަނިއްޔާއިން މަޢުލޫމާތު ދޭގޮތުގައި ދެކޮޅު ޓިކެޓް ދޭ މަންޒިލްތަކަކީ ސަޕްރައިޒް މަންޒިލް ތަކެކެވެ.

މީގެ އިތުރުން ޕްރޮމޯޝަން ކުރިއަށްދާ މުއްދަތުގައި 600 ރުފިޔާ ޚަރަދު ކުރައްވައިގެން 7 ފަރާތަކަށް 50000 ގެ ފައިސާގެ އިނާމް ހޯދުމުގެ ފުރުސަތު ވަނީ ހުޅުވާލެވިފައެވެ.

މިނެޓަކު ހަމަ އެންމެ 0.79 ރުފިޔާއަށް ރާއްޖެއިން ބޭރަށް ގުޅާލެވޭ ރާއްޖޭގެ އެންމެ ހެޔޮ އައިޑީޑީ ރޭޓުތައް ފޯރުކޮށްދެނީ ވަތަނިއްޔާއިންނެވެ.