ބައިނަލްއަގްވާމީ ހަކުރުބަލީގެ ދުވަސް ފާހަގަކުރުމުގެ ގޮތުން ކުޅުދުއްފުށީގައި ހާއްސަ ހަވީރެއް ބާއްވައިފި
.
ބައިނަލްއަޤްވާމީ ހަކުރުބަލީގެ ދުވަސް ފާހަގަ ކުރުމުގެ ގޮތުން ޚާއްސަ ހަވީރެއް މިއަދު ކުޅުދުއްފުށީގައި ބާއްވައިފި އެވެ.
ކުޅުދުއްފުށީ ރީޖަނަލް ހޮސްޕިޓަލުން އިންތިޒާމް ކޮށްގެން މިއަދު އަމީރު އަމީން ސްކޫލާއި ދިމާ ހިއްކި ސަރަހައްދުގައި ބޭއްވި މި ހަވީރުގެ މަޤްޞަދަކީ ހަކުރު ބައްޔާމެދު ރައްޔިތުން އަހުލުވެރިކުރުވުން ކަމަށް ކުޅުދުއްފުށީ ހޮސްޕިޓަލުން ބުންޏެވެ.
“އަޅުގަނޑުމެންގެ މުސްތަޤްބަލް ހަކުރު ބަލިން ރައްކާތެރި ކުރަމާ” މި ޝިއާރުގެ ދަށުން މިއަދު ބޭއްވި ހަވީރަށް ޒިޔާރަތް ކުރި މީހުންނަށް ކަމާގުޅޭ މައުލޫމާތު ދެއްވީ ކުލުދުއްފުށީ ހޮސްޕިޓަލުގެ ޕަބްލިކް ހެލްތް ޔުނިޓްގެ ބޭފުޅުންނެވެ.
މި ހަވީރުގައި އިސްކޮޅާއި ބަރުދަން ބެލުމާއި، އިސްކޮޅާއި އަޅާ ބަލާއިރު ބަރުދަން ހުންނަންވާ މިންވަރު ނުވަތަ ބީއެމްއައި ބެލުމާއި، ލޭގެ ޕްރެޝަރ ބެލުން ވެސް ކުރިއަށް ދިޔައެވެ. އަދި ކުޅުދުއްފުށީ “ޝޭޕް އެރޮބިކްސް” ސެންޓަރުން އެރޮބިކްސް ލެސަން ތަކެއް ވެސް އެސަރަހައްދުގައި ކުރިއަށް ދިޔައެވެ.
މި ހަވީރަށް ރައްޔިތުންގެ ވަރަށް ބޮޑު ތަރުހީބެއް ވަނީ ލިބިފައެވެ. ހަކުރުބަލީގެ ދުވަސް ފާހަގަކުރުމުގެ ގޮތުން ޑައިބެޓީސް ސޮސައިޓީ އޮފް މޯލްޑިވްސް އިން ވަނީ މީގެ ކުރިން ކުޅުދުއްފުށީގައި ހިނގާލުމެއްވެސް ބާއްވާފައިވެއެވެ.
ކުޅުދުއްފުށީ ސްޓޭޑިއަމްގެ ސިޑިބަރީގައި ގޮނޑި ހަރުކޮށް ނިންމާލައިފި
ޕެނަލްޓީގައި މަގުލަހުގެ މައްޗަށް ކުރިހޯދާ މުބާރާތުގެ ތަށި ކަނޑިތީމުން ހިއްލާލައިފި
ކަނޑިތީމު އަތޮޅު ދުލިން ބޭރަށް: ކުޅުދުއްފުށި ޗެމްޕިއަންޝިޕްގެ ފައިނަލަށް
ވިލާކޮލެޖު ކުޅުދުއްފުށީ ކެމްޕަހުގައި ޑިޕްލޮމާ އިން ޓީޗިން ޕްރައިމަރީ އެންޑް ސްޕެޝަލް އެޑިއުކޭޝަނަލް ނީޑްސް ހިލޭ ކިޔެވުމުގެ ފުރުސަތު
