ރަލުގެ މައްސަލާގައި ހައްޔަރުކުރި ހަމްދާން ޒަކީއާއި ޖާދުﷲ ފިޔަވައި އެހެން މީހުން ދޫކޮށްލައިފި

ރަލުގެ މައްސަލާގައި ހައްޔަރުކުރި މީހުންގެ ތެރެއިން ހަމްދާން ޒަކީއާއި ޖާދުﷲ ޖަމީލް ފިޔަވައި ދެން ތިބި އެންމެން ދޫކޮށްލައިފި އެވެ.

2:00

ރަލުގެ މައްސަލާގައި ހައްޔަރުކުރި މީހުންގެ ތެރެއިން ޖާދުﷲ ޖަމީލްގެ ބަންދަށްވެސް 5 ދުވަސް ވަނީ ޖަހާދީފަ. ހަމްދާން ޒަކީ އާއި ޖާދުﷲ ފިޔަވައި ދެންތިބި އެންމެން ދޫކޮށްލައިފި. މިމައްސަލާގައި ހައްޔަރުކުރި ބިދޭސީންވެސް ވަނީ ދޫކޮށްލާފަ.

1:30

ހދ. ހޮނޑައިދޫއިން ރޭ ހައްޔަރުކުރި މީހުންގެ ތެރެއިން ހަމްދާން ޒަކީ އާއި ޖާދުﷲ ޖަމީލް ފިޔަވައި ދެން ތިބި ދިވެހިން މިނިވަން ކޮށްފިއެވެ.

ކުޅުދުއްފުށީ މެޖިސްޓްރޭޓް ކޯޓަށް އެމީހުން މިރޭ ހާޒިރުކުރުމުން ބަންދުގެ މުއްދަތު އިތުރުކޮށްދީފައިވަނީ ހަމްދާން ޒަކީއަށެވެ. އޭނާގެ ބަންދުގެ މުއްދަތަށް 5 ދުވަސް ޖަހާފައިވެއެވެ. މިމައްސަލާގައި ހައްޔަރުކުރި ބިދޭސީންގެ ބަންދާމެދު އަދި ގޮތެއް ނުނިންމައެވެ.

ކުޅުދުއްފުށީހޮސްޕިޓަލުގައި އެޑްމިޓްކޮށްފައި އޮތުމުގެ ސަބަބުން ރަލުގެ މައްސަލާގައި ހައްޔަރުކުރި އެމްޑީޕީގެ ކުރީގެ ރައީސް އިބްރާހީމް ހުސައިން ޒަކީ ކޯޓަށް ހާޒިރުކޮށްފައެއް ނުވެއެވެ. އެހެންނަމަވެސް އޭނާވެސް ވަނީ ދޫކޮށްލާފައި އެވެ.

ރަލުގެ މައްސަލާގައި ހައްޔަރުކުރި ރައްޔިތުންގެ މަޖިލީހުގެ ދެ މެމްބަރުން ކަމަށްވާ އަބްދުﷲ ޖާބިރު އާއި ހާމިދު އަބްދުލްގަފޫރު ވެސް ވަނީ ދޫކޮށްލާފައި އެވެ. ކޯޓުން އެ ދެ މެމްބަރުން ދޫކޮށްލިއިރު މިހާލަތުގައި އެ ދެ މެމްބަރުން ހައްޔަރުނުކުރެވޭނެކަމަށް މަޖިލީހުގެ ރައީސް ޕޮލިސް ކޮމިޝަނަރަށް ވަނީ އަންގަވާފައި އެވެ.

01:15

ރަލުގެ މައްސަލާގައި ހައްޔަރުކުރި ހަމްދާން ޒަކީ ފިޔަވާ އެހެން ހުރިހާ މީހުން މިނިވަންކޮށްފި. ކުޅުދުއްފުށީ މެޖިސްޓްރޭޓް ކޯޓަށް މިރޭ އެ މީހުން ހާޒިރުކުރުމުން ބަންދުގެ މުއްދަތު އިތުރުކޮށްދީފައިވަނީ ހަމައެކަނި ހަމްދާން ޒަކީއަށް. އޭނާ ބަންދުގައި ބެހެއްޓުމަށް 5 ދުވަސް ޖަހާދީފައިވޭ.

މިރޭ ކޯޓަށް ހާޒިރުކޮށްފައި ނުވަނީ އިބްރާހީމް ހުސައިން ޒަކީ އެވެ. އޭނާ އަދިވެސް އތީ ކުޅުދުއްފުށީ ހޮސްޕިޓަލުގައި އެޑްމިޓްކުރެވިފައި އެވެ.

01:05

ކުރީގެ ސަރުކާރުގެ ޕްރެސް ސެކްރެޓަރީ މުހައްމަދު ޒުހައިރުވެސް ދޫކޮށްލައިފި.

ކޯޓުން ޖާބިރު ދޫކޮށްލުމާ ގުޅިގެން އޭނާ މިހާރު ކުޅުދުއްފުށިން ފުރައިގެން ގޮސްފި.

00:50

ހާމިދު އަބްދުލް ޣަފޫރު ދޫކޮށްލުމުން ފުލުހުންގެ މަރުކަޒަށް ވަޑައިގެންނެވުމަށްފަހު އަލުން އެނބުރި ކޯޓަށް ވަޑައިގެންފި.  ކޯޓުގެ ބޭރުގައި ތިބި އެމްޑީޕީގެ މެމްބަރުންނާ  ވާހަކަ ދެއްކެވުމަށް މަޑުކުރެއްވުމަށްފަހު އަލުން ކޯޓުތެރެއަށް ވަންނަވައިފި. ހާމިދު ބަންދުން ދޫކޮށްލުމުން އެތަނުގައި ތިބި މީހުންވަނީ އުފާ ފާޅުކޮށްފަ. އަލުން ކޯޓަށް ވެންނެވީ ދެންތިބި މީހުންގެ ޝަރީއަތް އަޑުއެހުމަށްކަމަށް ވޭ.

00:35

ހާމިދު އަބްދުލް ޣަފޫރުވެސް ކޯޓުން ނެރެގެން ފުލުހުންގެ ކާރުގައި ގެންގޮސްފި. ހާމިދު ވެސް ކޯޓުން ވަނީ ދޫކޮށްލާފައި.

00:20

ޖާބިރު ކޯޓުން ދޫކޮށްލައިފި. ޖާބިރު ކޯޓުން ނެރެގެން ގެންގޮސްފައިވަނީ ފުލުހުންގެ ވެހިކަލެއްގައި ފުލުހުންގެ މަރުކަޒަށް.

23:30

ރަލުގެ މައްސަލާގައި ހދ ހޮމޑައިދޫއިން ހައްޔަރުކުރި 10 މީހުންގެ ބަންދާމެދު ގޮތެއް ނިންމުމަށް ކުޅުދުއްފުށީ ކޯޓަށް ގެނެސްފި އެވެ.

ކުޅުދުއްފުށީ ކޯޓުގައި ނޫސްވެރިންނަށް ނުވަދެވޭގޮތަށް ކުރިއަށްގެންދާ ބަންދުގެ މައްސަލާގައި ކޯޓަށް ހާޟިރުކުރީ ކިތައް މީހުންކަމެއް ސާފުވާގޮތެއް ނުވެއެވެ. ހައްޔަރުކުރި 10 މީހުންގެ ތެރޭގައި ހިމެނޭ އެމްޑީޕީގެ ކުރީގެ ރައީސް އިބްރާހީމް  ހުސައިން ޒަކީ އަދިވެސް އޮތީ ކުޅުދުއްފުށީ ހޮސްޕިޓަލުގައި އެޑްމިޓްކޮށްފައި އެވެ.

ކުޅުދުއްފުށީ ކޯޓު ކައިރީގައި އެމްޑީޕީގެ ބައެއް އެކްޓިވިސްޓުން ހަރަކާތްތެރިވަމުން އަންނައިރު އެއްވެސް ކަހަލަ ހަމަނުޖެހުމެއް ހިނގާފައެއް ނުވެއެވެ.

މިމައްސަލާގައި މަޖިލިސް މެމްބަރުންގެ އިތުރުން ދެން ހައްޔަރުކޮށްފައިވަނީ ސ. ހުޅުދޫ، ރީފްސައިޑް ޖާދުﷲ ޖަމީލް އާއި، ހ. ހުޅުގަލި އިބްރާހިމް ޙުސައިން ޒަކީ އާއި ގ. ހިލިހިލާގެ ޙަމްދާން ޒަކީ އާއި، މއ. މަނާގެ މަރިޔަމް ފާއިޒް އާއި މއ. މަނާގެ މުޙައްމަދު ޒުހެއިރު އެވެ.

ރަލުގެ މައްސަލައާ ގުޅިގެން ހޮޑައިދޫން ހައްޔަރުކުރި ބިދޭސީންނަކީ، ސްރީލަންކާގެ ދެ ރައްޔިތުންކަމަށްވާ ރާޖު މޯހަން އާއި އަނޫރު ބަންޑާރަނައިކް އާއި ބަންގްލަދޭޝް ރައްޔިތެއްކަމަށްވާ ސުހައިލް ރަނާ އެވެ.

އިތުރު ތަފްސީލް އަންނަނީ