އިއްޔެގެ މެޗްތައް ކާމިޔާބްކުރީ ޕޮލިސް އަދި ޕޯޓްސް

ޒިގްޒެގް އިންޓަރ އޮފީސް ފުޓްސަލް މުބާރާތުގައި އިއްޔެ ކުޅެވުނު މެޗުތައް ޕޯޓްސް އާއި ޕޮލިސް ޓީމް ކާމިޔާބުކޮށްފި އެވެ.

ޒިގްޒެގް މުބާރާތުގައި އިއްޔެ ކުޅުނު ފުރަތަމަ މެޗްގައި ޕޯޓްސް މޮޅުވީ 9 ލަނޑު 3 ލަނޑުންނެވެ. މި މެޗްގެ ފުރަތަމަ 3 ލަނޑުވެސް ޖަހާފައިވަނީ ޕޯޓްސްގެ ޓީމުންނެވެ. މިގޮތުން އެ ޓީމްގެ ހަސަން އާދަމާއި އަމްޖަދު މޫސާ ވަނީ 2 ލަނޑު ޖަހާފައެވެ. އަދި މޮޅު ކުޅުންތެރިއަކަށް ހޮވުނު މުހައްމަދު ހަސަން ވަނީ ހެޓްރިކް ހަދާފައެވެ. މީގެ އިތުރުން އެޓީމްގެ އަބްދުއްރަހީމް އަލީ ވެސް ވަނީ ލަނޑެއް ޖަހާފައެވެ.

މި މެޗްގައި ކައުންސިލްގެ 2 ލަނޑު ކާމިޔާބްކޮށްދީފައިވަނީ މައުރޫފް އާދަމެވެ. އަދި އަނެއް ލަނޑު ޖަހާފައިވަނީ މުހައްމަދު އާލިމެވެ.

މިމުބާރާތުގައި އިއްޔެ ކުޅުނު ދެވަނަ މެޗުގައި ޕޮލިސް މޮޅުވީ ކަސްޓަމްސް އާއި ބައްދަލުކޮށް 6 ލަނޑު 2 ލަނޑުންނެވެ. މި މެޗުގައި ޕޮލިސް ޓީމްގެ ފަރުހަތު މުހައްމަދު ވަނީ ހެޓްރިކް ހަދާ މޮޅުކުޅުންތެރިޔާގެ މަޤާމް ވެސް ހޯދާފައެވެ.

އަދި އެޓީމްގެ އަހުމަދު މުހައްމަދުވަނީ ދެލަނޑު ޖަހާފައިވާއިރު އެޓީމުގެ އަލީ ފިރާގު އިބްރާހިމްވެސް ވަނީ ލަނޑެއް ކާމިޔާބްކޮށްދީފައެވެ.

މި މެޗްގައި ކަސްޓަމްސްގެ 2 ލަނޑުވެސް ޖަހާފައިވަނީ އަލީ އާދަމެވެ.

މިމުބާރާތުގައި މި އަދުވެސް 2 މެޗް ކުޅުމަށް ވަނީ ހަމަޖެހުފައެވެ. މިގޮތުން ފުރަތަމަ މެޗްގައި ބައްދަލުކުރާނީ އޭއީސީ އާއި އަތޮޅު ކައުންސިލެވެ. އަދި ދެވަނަ މެޗްގައި ބައްދަލު ކުރާނީ އަފީފުއްދީނާއި އެސްޓީއޯ އާރްސީ އެވެ.

މިމުބާރާތުގައި މިހާތަނަށް އެންމެ ގިނަ ލަނޑު ޖެހި ކުޅުންތެރިއަކީ 9 ލަނޑު ޖަހާފައިވާ ހޮސްޕިޓަލް ޓީމްގެ މުހައްމަދު އަހުމަދެވެ.