ހިއުމަން ރައިޓްސް ކޮމިޝަނުގެ ފަރާތުން ކުޅުދުއްފުށީގެ މީޑިޔާތަކާއި ބައްދަލުކޮށްފި

Nov 20, 2012

ހިއުމަން ރައިޓްސް ކޮމިޝަނުގެ ފަރާތުން ކުޅުދުއްފުށީގެ މީޑިއާތަކާއި ބައްދަލުކޮށްފި އެވެ.

މިއަދު މެންދުރު ކުޅުދުއްފުށީ ކައުންސިލް އިދާރައިގައި ބޭއްވި މި ބައްދަލުވުމަކީ އަންހެނުނަށް ލިބިދޭ ޙައްޤުތަކުގެ ޤަރާރަކާ ގުޅޭ ގޮތުން ހިއުމަން ރައިޓްސް ކޮމިޝަނުން ތައްޔާރުކުރާ ރިޕޯޓަކަށް މައުލޫމާތު އެއްކުރުމަށް ބޭއްވި ބައްދަލުވުމެއް ކަމަށް އެކޮމިޝަނުން ބުންޏެވެ.

މިގޮތުން ހަށިވިއްކުމާއި، ގެވެށި އަނިޔާއާއި ކުޑަކުދިންނަށް ކުރާ ޖިންސީ ގޯނާތަކާއި، ކުޅުދުއްފުށީގައި މިފަދަ ކަންތައްތައް ހުރި މިންވަރާއި، ރަށުގައި އަންހެނުންނަށް ލިބެންހުރި ފުރުސަތުތަކާއި އެފުރުސަތު ތަކުގެ ބޭނުން ހިފެމުންދާ މިންވަރާއި ގުޅޭގޮތުން ޚިޔާލު ހޯދާފައިވެއެވެ.

ހިއުމަން ރައިޓްސްގެ ބޭފުޅުން މި ކުރައްވާ ޒިޔާރަތުގައި ރޭ ވަނީ ކުޅުދުއްފުށީގެ ކްލަބް ޖަމްއިއްޔާތަކަށް މިފަދަ ޝެޝަނެއް ހަމަޖައްސާފައެވެ. އެހެން ނަމަވެސް އެއްވެސް ފަރާތަކުން ހާޒިރު ނުވުމުގެ ސަބަބުން ބައްދަލުވުން ވަނީ ކެންސަލް ކުރެވިފައެވެ.

މިރޭ ރަށުގެ ޒުވާޏުންނަށް އަމާޒްކޮށްގެން މިފަދަ އިތުރު ބުރެއް ބޭއްވުމަށް ވަނީ ހަމަޖެހިފައެވެ. މިއަދުގެ މި ބައްދަލު ކުރުމުގައި ސުވާލު ކުރެއްވީ އެ ކޮމިޝަންގެ 3 ބޭފުޅުންނެވެ. މި ބައްދަލުވުމުގައި ބައިވެރިވީ ކުޅުދުއްފުށީ އޮންލައިންގެ ރިޕޯޓަރަކާއި ކުޅުދުއްފުށީ ލައިވް ރިޕޯޓަރެކެވެ.

މިލިޔުމާއި ގުޅޭ