ޖެނުއަރީގައި މެޕްސް ކޮލެޖުން ފަށާ ކޯސްތަކަށް އެޕްލިކޭޝަން ހުށަހެޅުމުގެ ފުރުސަތު ހުޅުވާލައިފި

މެޕްސް ކޮލެޖްގެ 2013 ވަނަ އަހަރުގެ ޖެނުއަރީ މަހު ފެށުމަށް ހަމަޖެހިފައިވާ ކޯސްތަކަށް އެޕްލިކޭޝަން ހުށަހެޅުމުގެ ފުރުސަތު ހުޅުވާލައިފި އެވެ.

މިގޮތުން އަންނަ އަހަރު އެ ކޮލެޖްގައި ހިންގުމަށް ހަމަޖެހިފައިވާ ކޯސްތަކުގެ ތެޜޭގައި ބިޒްނަސް މެނޭޖްމަންޓް، ހިއުމަން ރިސޯސް މެނޭޖްމެންޓް، މާރކެޓިން، އެކައުންޓިން، ޓްއަރިޒަމް އެންޑް ހޮސްޕިޓަލިޓީ އަދި އިންފޮމޭޝަން ޓެކްނޮލޮޖީގެ ކޯސްތައް ހިމެނެއެވެ.

މެޕްސް އިން ޖެނުއަރީގައި ކުރިއަށް ގެންދިއުމަށް ހަމަޖެހިފައިވާ ޕްރޮގްރާމްތަކުގެ ތެރޭގައި އިނގިރޭސިވިލާތުގެ އެސޯސިއޭޝަން އޮފް ބިޒްނަސް އެގްޒެކްޓިވް (އޭ.ބީ.އީ) އިން ހިންގާ ޕްރޮގްރާމްތަކާއި އިނގިރޭސިވިލާތުގެ ކޮންފެޑެރޭޝަން އޮފް ޓްއަރިޒަމް އެންޑް ހޮސްޕިޓަލިޓީ (ސީ.ޓީ.އެޗް) ގެ ޕްރޮގްރާމްތަކުގެ އިތުރުން އޭސީ.ސީ.އޭ އަދި އެޑެކްސެލްގެ ކޯސްތައް ހިމެނޭކަމަށް އެކޮލެޖުން މައުލޫމާތު ދެއްވައެވެ.

ރާއްޖޭގައި ހިންގާ ޕްރައިވެޓް ކޮލެޖްތަކުގެ ތެރޭގައި ހިމެނޭ މެޕްސް ކޮލެޖްގެ އޭ.ބީ.އީ ކޯސްތަކުގެ ތެރޭގައި ޑިޕްލޮމާ އިން ބިޒްނަސް މެނޭޖްމަންޓް، ޑިޕްލޮމާ އިން ހިއުމަން ރިސޯސް މެނޭޖްމަންޓް، ޑިޕްލޮމާ އިން މާރކެޓިން މެނޭޖްމަންޓް، އަދި ޑިޕްލޮމާއިން ޓްރަވެލް، ޓޫރިޒަމް އަދި ހޮސްޕިޓާލިޓީ މެނޭޖްމެންޓް ހިމެނެ އެވެ. މީގެ ތެރޭގައި ހިމެނެނީ އޭ.ބީ.އީ ލެވެލް 4 އިން ފެށިގެން މަތީގެ ކޯސްތަކެވެ.

މެޕްސް ކޮލެޖް އިން ހިންގާ ފަތުރުވެރިކަމުގެ ކޯސްތަކަށް ބަލާލާއިރު، ސަޓިފިކޭޓް އިން ހޮސްޕިޓަލިޓީ އެންޑް ޓޫރިޒަމް މެނޭޖްމަންޓް، ޑިޕްލޮމާ އިން ހޮޓެލް މެނޭޖްމަންޓް، ޑިޕްލޮމާ އިން ޓޫރިޒަމް މެނޭޖްމަންޓް، އެޑްވާންސް ޑިޕްލޮމާ އިން ހޮޓެލް މެނޭޖްމެންޓް، އެޑްވާންސް ޑިޕްލޮމާ އިން ޓޫރިޒަމް މެނޭޖްމަންޓް ހިމެނެއެވެ. މީގެ އިތުރުން ޕޯސްޓް ގްރެޖްއޭޓް ޑިޕްލޮމާ އިން ހޮސްޕިޓަލިޓީ އެންޑް ޓޫރިޒަމް މެނޭޖްމެންޓް ވެސް މެޕްސް ކޮލެޖް އިން ހިންގާނެ އެވެ.

މެޕްސް އިން ހިންގާ އެކައުންޓިންގ ކޯސްތަކުގެ ތެރޭގައި ހިމެނެނީ އޭސީސީއޭގެ ތަފާތު ލެވެލް ތަކުގެ ކޯސްތަކެވެ. އޭސީސީއޭގެ އިތުރުން އެޑެކްސެލްގެ އެކައުންޓިންގ ކޯހެއް ވެސް މެޕްސް އިން ހިންގާނެއެވެ.

އިންފޮމޭޝަން ޓެކްނޮލޮޖީ ދާއިރާގެ ކޯސްތަކަށް ބަލާލާއިރު، މުޅިން އަލަށް ފަށާ ސަޓިފިކޭޓް 1 އިން ކޮމްޕިއުޓާ ހާޑްވެއަރގެ އިތުރުން އިންފޮމޭޝަން ޓެކްނޮލޮޖީގެ ސެޓްފިކެޓް 3 އާއި ހަމައަށް ކޯސްތަކަށް ވަނުމަށް ވަނީ ފުރުސަތު ހުޅުވާލާފައެވެ.

މެޕްސް ކޮލެޖްގެ ކޯސްތަކަށް ކުރިމަތި ލުމުގެ ސުންގަޑި އަންނަ ޑިސެމްބަރ މަހުގެ 31 އަށް ހަމަވާނެއެވެ. ކޯސްތަކަށް އެޕްލައި ކުރުމަށް ބޭނުންވާ ފަރާތްތަކަށް މެޕްސް ކޮލެޖްގެ ވެބްސައިޓް މެދުވެރިކޮށް ވެސް އެޕްލިކޭޝަން ހުށަހެޅެ އެވެ.

މެޕްސް ކޮލެޖްގައި ރާއްޖޭގެ އެކި ކަންކޮޅުތަކުން ސްކޫލު ނިންމާ ގިނަ އަދަދެއްގެ ދަރިވަރުން މަތީތައުލީމް ހާސިލް ކުރަމުން ދެއެވެ.