ށ. ފުނަދޫ ގެއަކުން ވަގަށް ނަގާފައިވާ 02 މޯބައިލް ފޯނު ހޯދައި އެކަމަށް ތުހުމަތުކުރެވޭ 02 މީހަކު ށ. ފުނަދޫ ޕޮލިސް ސްޓޭޝަންގެ ބެލުމުގެ ދަށަށް ގެނެސްފިއެވެ.
މިމައްސަލައާއި ގުޅިގެން ފުލުހުންގެ ބެލުމުގެ ދަށަށް ގެނެސްފައިވަނީ އުމުރުން 18 އަހަރުގެ ފިރިހެނަކާއި އުމުރުން 14 އަހަރުގެ ކުޑަ ފިރިހެން ކުއްޖެއްކަމަށް ފުނަދޫ ޕޮލިސް ސްޓޭޝަނުން ހާމަކުރެއެވެ.
މި ދެމީހުން ފުލުހުންގެ ބެލުމުގެ ދަށަށް ގެނެސްފައިވަނީ މިމަހުގެ 01 ވަނަ ދުވަހުގެ ހަވީރު ށ. ފުނަދޫ އުދަރެސް ގެއިން 2 މޮބައިލް ފޯނު ވަގަށް ނަގާފައިވާ ކަމަށް ފުލުހުންނަށް ހުށަހެޅުނު މައްސަލައާއި ގުޅިގެން ފޯނު ހޯދުމަށް އެ ސްޓޭޝަނުން ކުރި މަސައްކަތުން މި ދެމީހުން ދިރިއުޅެމުންދާ ގެއިން މި ޑިސެމްބަރ މަހު 02 ދުވަހުގެ ރޭ މި ދެމޮބައިލް ފޯނު ފެނުމާއި ގުޅިގެންނެވެ.
ވައްކަމުގެ މިމައްސަލަ ށ. ފުނަދޫ ޕޮލިސް ސްޓޭޝަނުން ދަނީ ތަޙްޤީޤް ކުރަމުންދާކަމަށް އެސްޓޭޝަނުން ހާމަކުރައްވައެވެ.
ނޮޅިވަރަމުގެ ޖަމިއްޔަތުއްރިސާލާއިން ޑރ. އާދަމް ޝަމީމްގެ ހާއްސަ ދަރުހެއް ބާއްވަނީ
33 ކޯހާއެކު ޤައުމީ ޔުނިވާސިޓީ ކުޅުދުއްފުށީ ކެމްޕަހުގައި ފެބްރުވަރީ 2025 އިންޓޭކަށް ހުޅުވާލައިފި
އަންނައަހަރު އެންމެ އިސްކަމެއްދޭނީ ނަމާދަށް ލޯބިޖެއްސުންމަށް: ޝަހީމް
އިސްލާހުތަކަކީ މިނިވަންކަމާ ސިޔާދަތަށް މުހިންމު ނިންމުންތަކެއް: ރައީސް
