މަސްތުވާތަކެތިކަމަށް ޝައްކުކުރެވޭ އެއްޗެއްހުރި 14 ރަބަރު ޕެކެޓާއެކު މީހަކު ފުލުހުންގެ ބެލުމުގެ ދަށަށް ގެނެސްފި

މަސްތުވާތަކެތިކަމަށް ޝައްކުކުރެވޭ އެއްޗެއްހުރި 14 ރަބަރު ޕެކެޓާއެކު މީހަކު ހދ. ހަނިމާދޫ ޕޮލިސް ސްޓޭޝަންގެ ބެލުމުގެ ދަށަށް ގެނެސްފި އެވެ.

ފުލުހުންނަށް ލިބުނު މަޢުލޫމާތަކާ ގުޅިގެން ހިންގި އޮޕަރޭޝަނެއްގައި މި ޑިސެމްބަރު މަހުގެ 03 ވަނަ ދުވަހުގެރޭ ހދ. ހަނިމާދޫ ބަނދަރުގައި އޮތް ލޯންޗެއްގެ ތެރެއިން ފެނިގެން ހައްޔަރު ކުރި މި މީހަކީ 22 އަހަރުގެ ފިރިހެނެކެވެ.

މަސްތުވާތަކެތިކަމަށް ޝައްކުކުރެވޭ އެއްޗެއްހުރި އެޕެކެޓްތައް ފެނިފައިވަނީ އޭނާ އާއި ލޯންޗް ބަލައިފާސްކުރިކުރުމުގައި އެ ލޯންޗުގައި އޭނާ އިށީނދެގެން އިން ގޮނޑި ކައިރީގައި އޮތް ސިނގިރޭޓް ފޮށްޓެއްގެ ތެރެއިން ކަމަށް ފުލުހުން ހާމަކުރައްވައެވެ.

މިމައްސަލަ ހަނިމާދޫ ޕޮލިސް ސްޓޭޝަނުން މިހާރު ދަނީ ތަހުޤީޤް ކުރަމުންނެވެ.