ސަރވިކަލް ކެންސަރާބެހޭ ސާވޭއެއް ކުރުމަށް ބައިވެރިން ތަމްރީން ކުރުމުގެ ޕްރޮގްރާމެއް ކުޅުދުއްފުށީގައި ބާއްވަނީ

ސަރވިކަލް ކެންސަރާބެހޭ ސާވޭއެއް ކުރުމަށް ބައިވެރިން ތަމްރީން ކުރުމުގެ ޕްރޮގްރާމެއް ކުޅުދުއްފުށީގައި ބާއްވަން ނިންމައިފި އެވެ.

ޔޫއެންއެފްޕީއޭ މި ސާރވޭގެ ޗީފް އިންވެސްޓިގޭޓަރ ސަލްމާ ހަސަން ވިދާޅުވީ މިތަމްރީން ޕްރޮގްރާމަކީ ސަރވިކަލް ކެންސަރާއި ބެހޭ ގޮތުން ކުރެވޭ ސާރވޭ އަކަށް ބައިވެރިން ތައްޔާރުކުރުމަށް ކުރިއަށްގެންދާ ޕުރޮގްރާމެއް ކަމަށެވެ. މިތަމްރީން ޕުރޮގްރާމުގައި ބައިވެރިވެވެނީ ސިއްހީ ދާއިރާގައި މަސައްކަތް ކުރާ ފަރާތްތަކަށެވެ.

ސަލްމާ ވިދާޅުވީ މި ސަރވޭގައި ބެލޭނީ ސަރވިކަލް ކެންސަރާ ބެހޭގޮތުން އާއްމުންނަށް މަޢުލޫމާތު އެނގެނީ ކިހާވަރަކަށްތޯ އާއި އެކަމަށް ހޭލުންތެރިވެފައިވަނީ ކިހާވަރަކަށް ތޯއެވެ. މިމަހުގެ 14 ވަނަ ދުވަހު ބާއްވާ މިޕްރޮގްރާމްގައި ބައިވެރިންގެ ޖާގަ ވަކި އަދަދަކަށް ކަނޑައެޅިފައި ނުވާ ކަމަށާއި ބައިވެރި ވުމުގެ ފުރުސަތު މިހާރުވެސް ހުޅުވިފައިވާ ކަަމަށެވެ.

“އަޅުގަނޑުމެން ވަކި އަދަދެއް ކަނޑައަޅާފައެއް ނޫން މިއޮތީއެއް. އަދި ވެސް ހަމަ ފުރުސަތު ހުޅުވާލާފަ މިއޮތީ” ސަލްމާ ވިދާޅުވިއެވެ.

މިއަހަރު އައްޑުއާއި މާލޭގައި ވެސް ވަނީ މިފަދަ 2 ޕްރޮގްރާމެއް ހިންގާފައެވެ. ސަރވިކަލް ކެންސަރަކީ ރަހިމުގެ ދޮރަށް ޖެހޭ ކެންސަރެވެ.