އެއަރޕޯޓް ޖީއެމްއާރުގެ އަތުން ނެގުމުގެ އުފަލުގައި ޕީޕީއެމް އިން ކުޅުދުއްފުށީގައި ވެހިކަލް ބުރެއް ބާއްވައިފި

ޕުރޮގްރެސިވް ޕާޓީ އޮފް މޯލްޑިވްސް (ޕީޕީއެމް)ގެ ކުޅުދުއްފުށީ ގޮފީގެ ފަރާތުން އިސްނަގައިގެން ކުޅުދުއްފުށީގައި ވެހިކަލް ބުރެއް ބާއްވައިފި އެވެ.

މާލޭ އިންޓަނޭޝަނަލް އެއަރޕޯޓް ޖީއެމްއާރު އަތުން ނެގުމުގެ އުފަލުގައި މިއަދު ހަވީރު ބޭއްވި މި ވެހިކަލް ބުރުގައި ގިނަ އަދަދެއްގެ ވެހިކަލްތައް ބައިވެރިކޮށްފައި ވެއެވެ.

ކުޅުދުއްފުށީ ޕީޕީއެމް އަސުރުމާގޮފީގެ ރައީސް މުހައްމަދު އަލީ ވިދާޅުވީ މިއަދުގެ ވެހިކަލް ބުރުގައި އެމްޑީޕީ ފިޔަވައި އެހެން ޕާޓީތަކުން ބައިވެރިވެފައިވާ ކަމަށެވެ.

ވެހިކަލް ބުރުގައި މިސަރުކާރުގެ އިސްވެރިންނަށް ތައުރީފުކޮށް ޝުއޫރުފާޅުކޮށްފައި ވެއެވެ.

މިއަދުގެ ވެހިކަލް ބުރުގައި ޖުމްލަ 29 އުޅަނދެއް ބޭނުންކޮށްފައި ވެއެވެ.