އެންމެ 3 ޓީމާއެކު ހދ އަތޮޅު ނެޓުބޯޅަ މުބާރާތް މިއަދު ފެށިއްޖެ އެވެ.
ނެޓްބޯލް އެސޯސިއޭޝަން އޮފް މޯލްޑިވްސް އާއި ކުޅުދުއްފުށީ ކައުންސިލް ގުޅިގެން ބާއްވާ މި މުބާރާތުގައި ބައިވެރިވެފައިވަނީ ކުޅުދުއްފުށީގެ ޓީމަކާއި، ނެއްލައިދޫ އަދި ނޭކުރެންދޫގެ ޓީމެކެވެ.
މިކަމާއި ގުޅިގެން މި ނޫހަށް މައުލޫމާތު ދެއްވަމުން އެ އެސޯސިއޭޝަންގެ ޓެކްނިކަލް ޑައިރެކްޓަރ ފަޒްނާ ޖަލީލް ވިދާޅުވީ މި އަތޮޅުގެ ރަށްތަކަށް ދައުވަތު ދިނުމަށް ކުޅުދުއްފުށި ކައުންސިލަށް އަންގާފައި ވާނެ ކަމަށެވެ.
މި މުބާރާތް ފެށުމުގެ ގޮތުން މިއަދު ކުޅުނު ފުރަތަމަ މެޗްގައި ބައްދަލު ކުރީ ނޭކުރަންދޫގެ ޓީމާއި ނެއްލައިދޫގެ ޓީމެވެ. މިމެޗް 70 ޕޮއިންޓް 5 ޕޮއިންޓުން ކާމިޔާބު ކުރީ ނޭކުރެންދޫގެ ޓީމެވެ.
ކުޅުދުއްފުށީ ޒޯން ސްޓޭޑިއަމްގެ ނެޓުބޯޅަ ކޯޓުގައި ކުޅުނު މިމެޗްގެ މޮޅު ކުޅުންތެރިއަކަށް ހޮވިފައިވަނީ ނޭކުރަންދޫ ޓީމުގެ ސެންޓަރ ފާތިމަތު ޤުރައިޝާ އެވެ.
މިއީ ހދ އަތޮޅު ނެޓްބޯޅަ މުބާރާތް ބާއްވާ ފުރަތަމަ ފަހަރެވެ. މިއަދުގެ މެޗް ޝަރަފުވެރިކޮށްދެއްވީ ކައުންސިލްގެ ރައީސް އިބްރާހިމް ރަމީޒެވެ.
ނޮޅިވަރަމުގެ ޖަމިއްޔަތުއްރިސާލާއިން ޑރ. އާދަމް ޝަމީމްގެ ހާއްސަ ދަރުހެއް ބާއްވަނީ
33 ކޯހާއެކު ޤައުމީ ޔުނިވާސިޓީ ކުޅުދުއްފުށީ ކެމްޕަހުގައި ފެބްރުވަރީ 2025 އިންޓޭކަށް ހުޅުވާލައިފި
އަންނައަހަރު އެންމެ އިސްކަމެއްދޭނީ ނަމާދަށް ލޯބިޖެއްސުންމަށް: ޝަހީމް
އިސްލާހުތަކަކީ މިނިވަންކަމާ ސިޔާދަތަށް މުހިންމު ނިންމުންތަކެއް: ރައީސް
