ކުޑަ ފިރިހެން ކުއްޖަކާއެކު ބަދުއަހުލާގީ އަމަލު ހިންގިކަމުގެ ތުހުމަތުގައި 77 އަހަރުގެ ފިރިހެނެއް ހައްޔަރު ކޮށްފި

އުމުރުން 16 އަހަރުގެ ފިރިހެން ކުއްޖަކާއެކު ބަދުއަޚުލާގީ އަމަލު ހިންގި ކަމުގެ ތުހުމަތުގައި ފިރިހެނެއް ހައްޔަރު ކޮށްފި އެވެ.

ކުޅުދުއްފުށީ އޮންލައިން އަށް އެނގިފައި ވާގޮތުގައި ހުކުރު ދުވަހުގެ މެންދުރުފަހު ކުޅުދުއްފުށިން ހައްޔަރު ކޮށްފައިވަނީ އުމުރުން 77 އަހަރުގެ މުޙައްމަދު އިބްރާހިމް (ބޭކޮޅު މުޙައްމަދު)، ގޯނބުލިގަސްދޮށުގެ، އެވެ.

ކުޑަ ފިރިހެން ކުއްޖަކާއެކު ބަދުއަހުލާގީ އަމަލު ހިންގިކަމުގެ ތުހުމަތުގައި 77 އަހަރުގެ ފިރިހެނެއް ހައްޔަރުކޮށްފައި ވާކަން ފުލުހުންގެ މީޑިއާ އޮފިޝަލް ވެސް ވަނީ މިނޫހަށް ކަށަވަރު ކޮށްދެއްވާފައެވެ. ފުލުހުންގެ މީޑިއާ އޮފިޝަލް ވިދާޅުވީ، ޖެނުއަރީ 3 ވަނަ ދުވަހު ފުލުހުންނަށް ލިބުނު ރިޕޯޓަކާ ގުޅިގެން، ހުކުރު ދުވަހުގެ މެންދުރުފަހު 77 އަހަރުގެ ފިރިހެނެއް ހައްޔަރުކުރީ ކޯޓު އަމުރެއްގެ ދަށުންނެވެ. ނަމަވެސް ހައްޔަރުކޮށްފައި ވަނީ ކޮންތަނަކުން ކަމެއް ފުލުހުން ހާމައެއް ނުކުރެއެވެ.

ކުޅުދުއްފުށި އޮންލައިންއަށް އެނގިފައިވާ ގޮތުގައި މިހާރު ވަނީ މިމީހާގެ ބަންދުގެ މުއްދަތަށް 15 ދުވަސް ޖަހާދީފައި އެވެ.