ދެވަނަ ފަހަރަށް އޯލެވެލް އިމްތިހާނު ހަދަން ބޭނުންވާ ކުދިންނަށް “ފަހިދޭހަ” ޓިއުޝަން ސެންޓަރުން ހާއްސަ ކުލާސްތަކެއް ފަށަނީ

ކުޅުދުއްފުށީ “ފަހިދޭހަ” ޓިއުޝަން ސެންޓަރުން، ދެވަނަ ފަހަރަށް އޯލެވެލް އިމްތިޚާނުގައި ބައިވެރިވާން ބޭނުންވާ ދަރިވަރުންނަަށް ޚާއްސަ ކުލާސްތަކެއް ކުރިއަށް ގެންދިޔުމަށް ހަމަޖައްސައިފި އެވެ.

އެސެންޓަރުގެ ފަރާތުން ވާހަކަ ދެއްކެވި އަލީ މުފީދު ވިދާާޅުވީ އެތަނުގައި ހިންގޭ ކުލާހަކީ އޯލެވެލް އިމްތިޚާނުގައި ބައިވެރިވެފައިވާ ދަރިވަރުންގެ ތެރެއިން ރަނގަޅު ނަތީޖާއެއް ނުލިބޭ ކުދިންނަށް އަލުން އިމްތިހާނުގައި ބައިވެރިވުމުގެ ފރުޞަތު ހޯދައިދިނުމުގެ ގޮތުން ކުރިއަށް ގެންދާ ކުލާހެއް ކަމަށެވެ.

“މިހާރު އޯލެވެލްގަ ބައިވެރިވެފަ ރަނގަޅު ނަތީޖާ ނުލިބޭ ކުދިންނަށާއި ގްރޭޑް 9 ނިންމާފަވިޔަސް ތިބި ކުދިންނަށް ހިންގޭ ކުލާހެއް މިއީ.” މުފީދު ވިދާޅުވި އެވެ.

ކުޅުދުއްފުށީގެ ސްކޫލު ތަކުގައި ކިޔަވައިދެއްވާ ކޮލިފައިޑް ޓީޗަރުން ކިޔަވައިދެއްވާ މި ކުލާހުގައި ހުރިހާ މާއްދާ އެއްވެސް ކިޔަވައިދޭނެ އެވެ.

ފެބްރުއަރީ  މަހުގެ 1 ވަނަ ދުވަހު ކިޔެވުން ފެށޭ މިކުލާހުގެ ކޮންމެ މާއްދާއެއްގެ ފީއަކީ 250 ރުފިޔާއެވެ. ކުލާހުގައި ނަން ނޯޓް ކުރުމަށް 9938081 ގުޅުއްވުމުން އެކަން ހަމަޖެހޭނެ ކަމަށް އެސެންޓަރުން ހާމަކުރެއެވެ.