މޯލްޑިވްސް އިންލޭންޑް ރެވެނިއު އޮތޯރިޓީ (މީރާ) ގެ މުވައްޒަފުންނަށް ފައިނޭންޝަލް ކްރައިމްސް ނުވަތަ މާލީ ގޮތުން ހިންގާ ޖަރީމާތައް ތަހުޤީޤު ކުރާނެ ގޮތްތައް ދަސްކޮށްދިނުމަށް އިންވެސްޓިގޭޝަން ޓްރެއިނިންގއެއް ހިންގައިފި އެވެ.
ޖެނުއަރީ 6 އިން 10 އަށް ‘އިންވެސްޓިގޭޝަން ސްކިލްސް ޑިވެލޮޕްމަންޓް ޕްރޮގްރާމް’ ގެ ނަމުގައި މިތަމްރީން ޕްރޮގްރާމް ހިންގާފައި ވަނީ މޯލްޑިވްސް ޕޮލިސް ސަރވިސަސްގެ ފަރާތުންނެވެ.
މިޕްރޮގްރާމުގައި ޓެކުހަށް މަކަރު ހަދައި ޓެކްސް ދެއްކުމުން ރެކުމަށް މަސައްކަތްކުރާ ފަރާތްތައް ތަހުޤީޤުކުރުމަށް މީރާގެ މުވައްޒަފުން ކުރިއަށް ގެންދާ އޮޑިޓް އަދި އިންވެސްޓިގޭޝަންތަކުގައި އަމަލު ކުރަންޖެހޭ ގޮތުގެ ތަމްރީނު ދެވިފައިވާކަމަށާއި މިޕްރޮގްރާމުގައި ތަމްރީން ދެއްވާފައިވަނީ ޕޮލިސް ސަރވިސްގެ ފައިނޭންޝަލް އަދި ފޮރެންސިކް ކްރައިމްސްތަކުގެ ތަޖުރިބާކާރުން ކަމަށް މީރާއިން މަޢުލޫމާތު ދެއެވެ.
މި ތަމްރީންތަކުގައި ފައިނޭންޝަލް ކްރައިމް ސީންތަކުގައި ކަންތައްކުރަންވީ ގޮތާއި، ފައިނޭންޝަލް ކްރައިމެއް ތަހުޤީޤުކުރުމަށް ގެނެވޭ ފަރާތަކާމެދު އަމަލު ކުރަންޖެހޭ ގޮތް ފަދަ މުހިއްމު އިންވެސްޓިގޭޓިވް ހުނަރުތައްވެސް ކިޔާދެވިފައިވާ ކަމަށް މީރާއިން ބުނެއެވެ.
ކުޅުދުއްފުށީގައި ވަރަށް ފަހުން ވަނީ މީރާގެ އޮފީހެއް ހުޅުވާ ސަރުކާރަށް ދައްކަންޖެހޭ ފީތައް ބަލައިގަންނަން ފަށާފައެވެ.
ނޮޅިވަރަމުގެ ޖަމިއްޔަތުއްރިސާލާއިން ޑރ. އާދަމް ޝަމީމްގެ ހާއްސަ ދަރުހެއް ބާއްވަނީ
33 ކޯހާއެކު ޤައުމީ ޔުނިވާސިޓީ ކުޅުދުއްފުށީ ކެމްޕަހުގައި ފެބްރުވަރީ 2025 އިންޓޭކަށް ހުޅުވާލައިފި
އަންނައަހަރު އެންމެ އިސްކަމެއްދޭނީ ނަމާދަށް ލޯބިޖެއްސުންމަށް: ޝަހީމް
އިސްލާހުތަކަކީ މިނިވަންކަމާ ސިޔާދަތަށް މުހިންމު ނިންމުންތަކެއް: ރައީސް
