ކުޅުދުއްފުށީގައި 16 އަހަރުގެ ކުއްޖަކާއެކު ބަދުއަހުލާގީ އަމަލު ހިންގި މީހެއްގެ މައްސަލަ ޕީޖީއަށް ފޮނުވައިފި

މިދިޔަ އަހަރުގެ ނޮވެމްބަރ މަހުގެ ތެރޭގައި ކުޅުދުއްފުށީގައި 16 އަހަރުގެ ކުޑަކުއްޖަކާއެކު ބަދުއަހުލާގީ އަމަލު ހިންގިކަމުގެ ތުހުމަތުގައި ހައްޔަރުކުރި މީހެއްގެ މައްޗަށް ދައުވާ ކުރުމަށްޓަކައި ޕްރޮސިކިއުޓަރ ޖެނެރަލްގެ އޮފީހަށް ފޮނުވައިފި އެވެ.

ފުލުހުން މައުލޫމާތު ދޭ ގޮތުގައި، މިމައްސަލައިގައި ދައުވާ ކުރުމަށް ފޮނުވާފައިވަނީ ކުޅުދުއްފުށީ ރިހިތަރި އުމުރުން 20 އަހަރުގެ މުހައްމަދު އާދަމްގެ މައްޗަަށެވެ.

މުހައްމަދު އާދަމްގެ މައްޗަށް ދައުވާކުރުމަށް ފޮނުވާފައިވަނީ ކުޑަކުއްޖާއާއި އެކު ބަދުއަހުލާގީ އަމަލު ހިންގާކަމަށް މިދިޔަ އަހަރުގެ ނޮވެމްބަރ މަހުގެ 6 ވަނަ ދުވަހު ފުލުހުންނަށް ހުށަހެޅި މައްސަލައަކާގުޅިގެން ކަމަށް ފުލުހުން ބުނެއެވެ.

މިމައްސަލައިގައި ދައުވާ ކުރުމަށް ޕީޖީއަށް ފޮނުވާފައިވަނ މިމަހުގެ 16 ވަނަ ދުވަހުއެވެ.

މިނޫހަށް އެނގިފައިވާ ގޮތުގައި 16 އަހަރުގެ އަންހެންކުއްޖާއަކީ، މިމައްސަލާގައި ހިމެނޭ މުހައްމަދު އާދަމްގެ ލޯބިވެރިޔާ އެވެ. އަދި މިހާރުވެސް އެ އަންހެން ކުއްޖާ ގިނަ ވަގުތުތަކުގައި، އެ ފިރިހެން ކުއްޖާގެ ގޭގައި އުޅޭ ކަމަށްވެއެވެ.