ޖަލާލުއްދީން ސްކޫލުގެ އިކޯކުލަބުގެ “ޕްރޮޖެކްޓް ކައްތިރި” އިފްތިތާހުކޮށްފި

ބްރިޓިޝް ކައުންސިލްގެ ކްލައިމެޓް ޗޭންޖްއާބެހޭބަޔާއި މޯލްޑިވްސް ޔޫތު ކްލައިމެޓް ނެޓްވޯރކްގެ އޭހީގައި ކުޅުދުއްފުށީ ޖަލާލުއްދީން ސްކޫލުގެ އިކޯކުލަބުގެ “ޕްރޮޖެކްޓް ކައްތިރި” އިފްތިތާހު ކޮށްފި އެވެ.

މިދިޔަ ބުރާސްފަތި ދުވަހުގެ ހަވީރު ޖަލާލުއްދީން ސްކޫލުގައި މިކަމަށްޓަކައި އޮތް ހަފްލާ ޝަރަފްވެރިކޮށްދެއްވާ މި ޕްރޮޖެކްޓް އިފްތިތާހު ކޮށްދެއްވީ ކުޅުދުއްފުށީ ކައުންސިލްގެރައީސް އިބްރާހިމް ރަމީޒެވެ. މިރަސްމިއްޔާތުގައި ރަމީޒް ދެއްކެވި ވާހަކައިގާ ވިދާޅުވީ ފުރަތަމަ އިންދާ ގަސް މަރުވުމަކީ އެކަށީގެންވާ ކަމެއް ކަމަށެވެ. އެހެން ނަމަވެސް ހިތްވަރާއެކު ދެވަނަ ފަހަރަށް ގަސް އިންދައިފިނަމަ އޭގެ ފައިދާ ކުރާނެ ކަމަށް ވިދާޅުވެ ކްލަބުގެ މެމްބަރުންނަށް ހިތްވަރު ދެއްވިއެވެ.

މިހަފްލާގައި  މޯލްޑިވިއަން ޔޫތު ކްލައިމެޓް ނެޓްވޯރކް ގެ ފަރާތުން މުޖާހިދު އަބްދުއްﷲ ވަނީ ވާހަކަ ދައްކަވާފައެވެ. މުޖާހިދުގެ ވާހަކައިގާ ޖަލާލުއްދީން ސްކޫލުގެ އިކޯކުލަބަށް ދިމާވެފައިވާ އެއްމެ ބޮޑު ދައްޗަކީ ފައިސާގެ ދަތިކަން ކަމަށް ވިދާޅުވިއެވެ. އަދި ދިގު މުއްދަަތެއްގައި ކުލަބު އުވުނަ ނުދީ މަސައްކަތް ކުރުމަށް ގޮވާލެއްވިއެވެ.  މިރަސްމިއްޔާތުގައި ޖަލާލުއްދީން ސްކޫލުގެ ޕްރިންސިޕަލްވެސް ވަނީ ވާހަކަ ދައްކަވާފައެވެ.

ޕްރޮޖެކްޓް ކައްތިރި އަކީ ބްރިޓިޝް ކައުންސިލް، ގްލޯބަލް ޗޭންޖް މާރކާސް، އައިލް ފްރެޝް އަދި މޯލްޑިވިއަން ޔޫތު ކްލައިމެޓް ނެޓްވޯރކްގެ ފަންޑުގެ ދަށުން ހިންގޭ ޕްރޮޖެކްޓެކެވެ. މި ޕްރޮޖެކްޓްގެ މައިގަނޑު މަޤްޞަދަކީ މުޖްތަމައާއި ގުޅިގެން ތިމާވެށި ދަމަހައްޓައިދިނުމެވެ. މި ޕްރޮޖެކްޓްގައި ދަރިވަރުންނަށް ފެނުގައި ގަސްއިންދޭނެ ހައިޑްރޯޕޮނިކްސް ސިސްޓަމެއް ލިބި މޭވާ އާއި ތަރުކާރީ  ހައްދާ އެތަކެތި އައިލް ފްރެޝްގެ ފިހާރައަށް ވިއްކާނެއެވެ. އަދި ލިބޭ ފައިސާ ކްލަބުގެ ކަންކަމަށް ހަރަދުކޮށް އޯގަނިކް ފާރމް އެއް ތައްޔާރުކުރުމަށް ހޭދަކުރެވޭނެކަމަށް ކްލަބުން މައުލޫމާތު ދެއްވައެވެ.

މި ހަފްލާގައި ޒިގްޒެގް ފޯރ އޯލް ޔޫތު ލިންކޭޖްގެ ފަރާތުން ވެސް ވަނީ ބައިވެރިވެފައެވެ. އަދި ހަފްލާގެ ކޮންމެ ބައިވެރިއަކު ވަނީ އޮށެއް އިންދަވާފައެވެ.

ކައްތިރި ޕްރޮޖެކްޓު މިއަހަރު ފައްޓަވާނެކަން އިއުލާން ކޮށްދެއްވީ މިދިޔަ އަހަރު އެކްލަބު ނިންމުމުގެ ގޮތުން ބޭއްވި ރަސްމިއްޔާތުގައެވެ.

[yass cats=2]

އިތުރު ފޮޓޯތައް ކުޅުދުއްފުށި އޮންލައިން ފޭސްބުކް ޕޭޖްގައި