ޖަލާލުއްދީން ސްކޫލުގެ ޕްރިފެކްޓް ޑޭ ފާހަގަ ކުރަމުން އެބަދޭ

ޖަލާލުއްދީން ސްކޫލުގެ ޕްރިފެކްޓް ޑޭ ފާހަގަ ކުރަމުން އެބަދެއެވެ.

މިނޫހަށް މައުލޫމާތު ދެމުން ޖަލާލުއްދީން ސްކޫލުގެ ކެޕްޓަން އަފްޒަލް އަހުމަދު އަބޫބަކުރު ބުނީ މި ބޭއްވޭ ޕްރިފެކްޓް ޑޭ ގެ މަގްސަދަކީ ހުރިހާ ޕްރިފެކްޓް ކުދިންގެ ހަރަކާތްތެރިކަން އިތުރުކޮށް އެކުވެރި އުފާވެރި ވަގުތުތަކެއް ހޭދަކުރުމުގެ ފުރުސަތު ހޯދައިދިނުން ކަމަށެވެ.

މިއަދު ހެނދުނު 6:15  ފެށުނު މި ހަރަކާތުގައި ފުރަތަމަކަމަކަށް  އޮތީ ޓްރެޝަރހަންޓާއި، އޮބްސްޓަކަލްސްހަންޓްގެ ތެރެއިން ހެނދުނު ސައި ތައްޔާރު ކުރުމެވެ. އަދި އެއަށްފަހު ލީޑިން ޓީޗަރ އައިމިނަތު މުހައްމަދުގެ ލައިފްސްކިލް ސެޝަނެއް ކުރިއަށް ދިޔަކަމަށް އަފްޒަލް ބުންޏެވެ. ކުޅިވަރު ހަރަކާތްތަކާއެކު ކުރިއަށްދާ މި ޕްރިފެކްޓް ޑޭ ގެ މެންދުރު ފަހުގެ ދަންފަޅީގައި ޕްރިފެކްޓް އައިޑަލް ހުށައެޅުމާއި، ކުއްލި މައުލޫއަށް ވާހަކަ ދެއްކުން އޮންނާނެ ކަންވެސް އަފްޒަލް ފާހަގަކުރިއެވެ. އަދި އިޝާރާތް ކުރާ އަދަބީ މުބާރާތެއް (މައިމް) ވެސް ބޭއްވުމަށް ހަމަޖެހިފާވާކަން ހާމަކުރިއެވެ.

މިއަދު ހަވީރު 6 ޖެހުމާއި ހަމައަށް ކުރިއަށްދާ މި ޕްރިފެކްޓް ޑޭގައި 42 ޕްރިފެކްޓުން ދަނީ ބައިިވެރިވަމުންނެވެ.