މަޖީދާގެ ކޭކު ކޯހެއް އަނެއްކާ ވެސް ފަށަނީ

ކުޅުދުއްފުށީގައި ކޭކު އެޅުމުގެ ދާއިރާގައި ފާހަގަކޮށްލެވޭ އައިމިނަތު މަޖީދާ ކޭކު ކޯހެއް ހިންގުމަށް ހަމަޖައްސައިފި އެވެ.

ކުޅުދުއްފުށީ “ނޫރު” އައިމިނަތު މަޖީދާ ގެ މި ކޯހުގައި 10 މީހުންގެ ޖާގަ ހިމެނޭ ކަމަށް މަޖީދާ މިނޫހަށް މަޢުލޫމާތު ދިނެވެ. 10 ދުވަހުގެ މުއްދަތަކަށް ހިންގޭ މި ކޯހުގެ ފީ އެއްގެ ގޮތުން 2000 ރުފިޔާ ކަނޑައެޅިފައިވާއިރު  ކޯހުގައި ބޭނުންކުރާ ހުރިހާ ތަކެއްޗެއް އެފަރާތަށް ލިބޭނެ ކަމަށް މަޖީދާ ބުންޏެވެ.

މި ކޯހަށް ނަންނޯޓު ކުރުމުގެ ފުރުސަތު މިހާރުވެސް ވަނީ ހުޅުވާލެވިފައެވެ.

މި ދާއިރާއިން ޑިޕްލޮމާ ހައްދަވާފައިވާ މަޖީދާ އަކީ ކުޅުދުއްފުށީގެ އަންހެނުންގެ ކޮމެޓީގެ ނައިބު ރައީސް ވެސް މެއެވެ. އޭނާ ވަނީ ކޭކު އެޅުމުގެ ގިނަ ކޯސްތަކެއް ކުޅުދުއްފުށީގައި ހިންގާފައެވެ. މިދިޔަ ޖެނުއަރީ މަހު ވެސް މަޖީދާ ވަނީ ކޭކު ކޯހެއް ނިންމާ ބައިވެރިންނަށް ސެޓްފިކެޓް ދީފައެވެ.