މެރިޓައިމް އެކަޑަމީގެ އަތުން އަތޮޅުގެ ނެގުމަށް ވިސްނަމުންދާ ކަމަށް ޓްރާންސްޕޯޓު އޮތޯރިޓީން ބުނެފި

ކުޅުދުއްފުށީގައި ހުންނަ ހދ އަތޮޅުގޭގައި މިހާރު ހިންގަމުން އަންނަ މެރިޓައިމް އެކަޑަމީ އޮފް މޯލްޑިވްސް އަށް އެތަން ދޫކޮށްފައިވަނީ ގަވާއިދާ ހިލާފަށްކަމަށާއި އަތޮޅުގެ މެރިޓައިމް އެކަޑަމީގެ އަތުން ނެގުމަށް ވިސްނަމުންދާ ކަމަށް ޓްރާންސްޕޯޓު އޮތޯރިޓީއިން ބުނެފި އެވެ.

ދުވަހު ނޫސް “ސަން”ގައި ރިޕޯޓު ކޮށްފައިވާ ގޮތުގައި ޓްރާންސްޕޯޓް އޮތޯރިޓީއިން މިހެން ބުނެފައިވަނީ އިއްޔެ ބޭއްވި ނޫސްވެރިންގެ ބައްދަލުވުމެއްގައި، އެ އޮތޯރިޓީގެ ޗެއަރމަން އަބްދުއްރަޝީދު ނާފިޒް އެވެ. ނާފިޒު ވިދާޅުވިކަމަށް އެ ނޫހުގައި ބުނެފައިވަނީ މެރިޓައިމް އެކަޑަމީއަށް ކުޅުދުއްފުށީގައި ހުންނަ އަތޮޅުގެ ދީފައިވަނީ 25 އަހަރު ދުވަހުގެ މުއްދަތަށް އެއްވެސް ކުއްޔަކާނުލާ ކަމަށާއި އެއީ ވަކި ބަޔަކަށް ފައިދާ ހޯދާދިނުމަށް ކޮށްފައިވާކަމެއް ކަމަށެވެ.

އަބްދުއްރަޝީދު ނާފިޒް ވިދާޅުވި ގޮތުގައި އެ އެކަޑަމީއާ ޓްރާންސްޕޯޓް އޮތޯރިޓީއާއެކު ހަދާފައިވާ އެއްބަސްވުމުގައި ބުނެފައިވާ ގޮތަށް މެރިޓައިމްސްއާ ބެހޭ އެއްވެސް ކޯހެއް އެތަނުން ނުހިންގައެވެ. ނާފިޒް ވިދާޅުވީ މިހާރު އެތަނުގައި ހިންގަމުންދަނީ ބޮޑެތި މީހުނަށް އިނގިރޭސިބަސް ކިޔަވާދޭ ކޯހެއް ކަމަށެވެ. އަދި ގިނަ ވަގުތު އެތަން ހުންނަނީ ބަންދުކޮށްފަކަމަށް ނާފިޒް ވިދާޅުވި އެވެ.

ކުޅުދުއްފުށީގައި ހުންނަ ހދ އަތޮޅުގެ، ކައުންސިލްތައް އައުމުގެ ކުޑަދުވަސްކޮޅެއްކުރިން އޭރުގެ ސަރުކާރުން އަންގައިގެން ފިނޭންސް މިނިސްޓްރީގެ ދަށަށް ވަނީ ބަދަލުކޮށްފައެވެ. އަދި، މެރިޓައިމް އެކަޑަމީއިން ގިނައިން ހިންގާފައިވަނީ އެއް ދުވަހާ 10 ދުވަހާ ދޭތެރޭގެ ބޭސިކް ލެވެލްގެ ކޯސްތަކެކެވެ.