ކުޅުދުއްފުށީ ކޭބަލް ޗޮއިސްގެ އެންޓަނާއެއް ޖެހުމުގެ މަސައްކަތުގައި ބޭނުން ކުރި ކެރޭނުގެ ވާ ކަނޑައިގެން ގޮސްފި

ކުޅުދުއްފުށީގައި ކޭބަލް ޓީވީގެ ހިދުމަތް ދެމުން އަންނަ ކޭބަލް ޗޮއިސްގެ އެންޓަނާއެއް ޖެހުމުގެ މަސައްކަތުގައި ބޭނުން ކުރި ކެރޭނުގެ ވާ ކަނޑައިގެން ގޮސްފި އެވެ.

މިއަދު ހެނދުނު 10:15 ހާއިރު ހިނގި މިހާދިސާގައި ކުޅުދުއްފުށީ ސަރަހައްދީ ބަނދަރުގައި ބޭނުންކުރަމުން އަންނަ ކެރޭނުގެ ވާ ކަނޑައިގެން ގޮސްފައިވަނީ ބިމުން ފެށިގެން 6 ފޫޓް މަތިންނެވެ. މި ހާދިސާގައި އެއްވެސް މީހަކަށް ގެއްލުމެއް ލިބިފައެއް ނުވެއެވެ.

ކުޅުދުއްފުށީ ޕޯޓްސް ލިމިޓެޑްގެ އެސިސްޓެންޓް އޮޕަރޭޓިން އޮފިސަރ މުހައްމަދު އަހުމަދު މިނޫހަށް މައުލޫމާތު ދެއްވަމުން ވިދާޅުވީ ވާ ކަނޑައިގެން ގޮސްފައިވަނީ ޖިޕް އަޅުވާ ސްޓޯ ކުރަން އުޅުމުގެ ތެރޭގައި ކަމަށެވެ. އަދި މިމަސައްކަތް ކުރަން ޖެހުނީ އާއްމުކޮށް ބޭނުންކުރާ ވަރަށް ވުރެ އިތުރަށް 40 ޓަނުގެ ބުޅިއެއްގައި ކަމަށާއި މިކަން ކުރިއަށް ގެންގޮސްފައިވަނީ މިކަމުގެ ޕްރޮސީޖާތައް ކުރިއަށްގެންދާ ގޮތަށް ކަމަށެވެ.

ވާ ކަނޑައިގެން ދިޔުމުގެ މިހާދިސާގައި އެއްވެސް މީހަކަށް ގެއްލުމެއް ލިބިފައި ނުވިނަމަވެސް ކެރޭނުގެ ސައިލެންސަރުގެ ޕްރޮޓެކްޝަން ކަވަރު ވަނީ ހަލާކުވެފަ އެވެ.