މެމްބަރު މުހައްމަދު ނަޝީދު ކުޅުދުއްފުށީގެ ބައެއް ސްކޫލުތަކަށް އެހީގެ ގޮތުގައި ތަކެތި ހަދިޔާ ކޮށްފި

ކުޅުދުއްފުށީ ދެކުނު ދާއިރާގެ މަޖިލިސް މެމްބަރު މުހައްމަދު ނަޝީދު ކުޅުދުއްފުށީގެ ބައެއް ސްކޫލުތަކަށް އެހީގެ ގޮތުގައި ތަކެތި ހަދިޔާ ކޮށްފި އެވެ.

މިގޮތުން ކުޅުދުއްފުށީ އަމީރު އަމީން ސްކޫލަށް އޯލް އިން ވަން ޕްރިންޓަރަކާއި ލެޕްޓޮޕެއް ވަނީ ހަދިޔާ ކޮށްފައެވެ. އެސްކޫލުގެ އެޑްމިނިސްޓްރޭޓަރ އާއިޝަތު މުހައްމަދު ވިދާޅުވީ މިމަހުގެ 5 ވަނަ ދުވަހު ނަޝީދު އެތަކެތި ސްކޫލަށް ހަދިޔާކޮށްފައިވާ ކަމަށެވެ.

މީގެ އިތުރުން މެމްބަރު ނަޝީދު ވަނީ އަފީފުއްދީން ސްކޫލަށް ވެސް އެހީގެ ގޮތުގައި ތަކެތި ހަދިޔާ ކުރައްވާފަ އެވެ. މަލްޓިމީޑިއާ ބޭނުންކޮށްގެން ކިޔަވައިދޭ އަފީފުއްދީން ސްކޫލަށް ނަޝީދު ހަދިޔާ ކުރެއްވީ 43 އިންޗީގެ ސެމްސަންގް އެލްސީޑީ 8 ޓީވީ އެވެ.

ކުޅުދުއްފުށީ އުތުރު ދާއިރާގެ މަޖިލިސް މެމްބަރު އަބްދުލް ޣަފޫރު މޫސާ ވެސް 2011 ވަނަ އަހަރުގެ ކުރީ ކޮޅު އަމީރު އަމީން ސްކޫލަށް ފޮޓޯކޮޕީ މެޝިނެއް ހަދިޔާ ކުރައްވާފަ އެވެ.