ޖަލާލުއްދީން ސްކޫލު ގެ ދަރިވަރުން ހޮނިހިރު ބާޒާރުގައި ލެޓިއުސް ވިއްކައިގެން ފައިސާ ހޯދައިފި

ޖަލާލުއްދީން ސްކޫލު ގެ އިކޯލަބުގެ ދަރިވަރުންހޮނިހިރު ބާޒާރުގައި ލެޓިއުސް ވިއްކައިގެން ފައިސާ ހޯދައިފި އެވެ.

ޖަލާލުއްދީން ސްކޫލުގެ އެކޯ ކްލަބްގެ ދަރިވަރުން ފުރަތަމަ ފަހަރަށް ހައިޑްރޯފޯނިކްސް ސިސްޓަމްގައި ހެއްދި ލެޓިއުސް އިއްޔެ ވިއްކާފައިވަނީ 20 ރުފިޔާއާއި 10 ރުފިޔާއާ ދެމެދުގެ އަގެއްގަ އެވެ. މިގޮތުން ޖުމްލަ 86 ގަހެއް އިއްޔެ އެކުދިން ވަނީ ވިއްކާ ހުސްކޮށްފައެވެ. އަދި ޖުމްލަ 880 ރުފިޔާ ލިބިފައިވާކަމަށް އެކްލަބުން ބުނެއެވެ.

އިކޯކުލަބުން މައުލޫމާތުދޭ ގޮތުގައި ލިބުނު ފައިސާއިން އަމަލުކުރާނެ ވަކި ގޮތެއް އަދި ނިންމާފައި ނުވިނަމަވެސް އިތުރަށް މި މަޝްރޫއު ފުޅާކުރުމަށް ދަނީ މަސައްކަތްކުރަމުންނެވެ. މިގޮތުން މިހާރު ކިއުކަމްބާވެސް ހައްދަމުންދާކަމަށް މިކުލަބުން މައުލޫމާތު ދެއެވެ.

މި ހަރަކާތަކީ ބްރިޓިޝް ކައުންސިލްގެ ކްލައިމެޓް ޗޭންޖާ ބެހޭބަޔާއި މޯލްޑިވްސް ޔޫތު ކްލައިމެޓް ނެޓްވޯރކްގެ އޭހީގައި  ޖަލާލުއްދީން ސްކޫލުގެ އިކޯކުލަބުގެ “ޕްރޮޖެކްޓް ކައްތިރި” ގެ ތެރެއިން  ކުރިއަށްދިޔަ ހަރަކާތެކެވެ. މިއީ ކުޅުދުއްފުށީ ސްކޫލެއްގެ ދަރިވަރުން މިގޮތަށް ތަކެތި ވިއްކުމަށް ބާޒާރަށް ނުކުތް ފުރަތަމަ ފަހަރެވެ.