ތިލަދުންމަތީ ދެކުނުބުރި ފިނޭ އިންޖީނުގެ ފަޅާލާ 7000 އަށް ވުރެ ގިނަ ރުފިޔާ ވަގަށް ނަގައިފި އެވެ.
ރޭގެ ވަގުތެއްގައި ފިނޭ އިންޖީނުގޭ ތިޖޫރީ ފަޅާލާފައިވާއިރު އެތިޖޫރީގައި ހުރި ގާތްގަނޑަކަށް 7000 ރުފިޔާ ގެއްލިގެން ހޯދަމުން ދާކަމަށް ފިނޭ އިން ވާހަކަ ދެއްކި މީހަކު ބުންޏެވެ.
ކުޅުދުއްފުށީ އޮންލައިން އަށް ކިޔައިދެމުން ފިނޭ މީހަކު ބުނީ ތިޖޫރީ ހަލާކުކޮށްލާފައި ވަނީ މަރުތޭލާއި ދަނގަޑު ފަދަ ތަކެތި ބޭނުންކޮށްގެން ކަމަށް ބެލެވެއެވެ. އަދި އިންޖީނުގެއަކީ ރޭގަނޑުވެސް މުވައްޒަފުން ޑިއުޓީ އަދާކުރާތަނެއް ކަމަށާއި ބެލެވޭގޮތުގައި ވަގުން ވަދެފައިވަނީ ޑިއުޓީގައި ހުރި މުވައްޒަފު ފާހާނާފަދަ ތަނަކަށް ދިޔަތަނާކަމަށް ބެލެވޭ ކަމަށް އޭނާ ބުންޏެވެ.
ވައްކަމުގެ މިމައްސަލަ ތަހުގީގު ކުރުމަށްޓަކައި ކުޅުދުއްފުށީ ޕޮލިސް ސްޓޭޝަނުގެ ޕޮލިހުން ވަނީ މިއަދު އިރުއޮށްސެންދެން ފިނޭގައި ތަހުގީގު ހިންގާފައެވެ. އަދި ޝައްކު ކުރެވޭ ބައެއްފަރާތްތަކުގެ ފިންގާޕްރިންޓް ނަގާފައިވާކަމަށް ވެސް ފިނޭ މީހަކު ބުންޏެވެ.
މިއަދު ފުލުހުންގެ ތަހުގީގު އެރަށުގައި ކުރިއަށް ގެންދިޔަ އިރު އެރަށުން އެއްވެސް މީހަކު ނުފޭބުމަށް ފުލުހުން ވަނީ އަންގާފައެވެ. ނަމަވެސް މިހާރު ވަނީ ރަށުން ބޭރަށް ދިއުމުގެ ހުއްދަ ދީފައެވެ.
ނޮޅިވަރަމުގެ ޖަމިއްޔަތުއްރިސާލާއިން ޑރ. އާދަމް ޝަމީމްގެ ހާއްސަ ދަރުހެއް ބާއްވަނީ
33 ކޯހާއެކު ޤައުމީ ޔުނިވާސިޓީ ކުޅުދުއްފުށީ ކެމްޕަހުގައި ފެބްރުވަރީ 2025 އިންޓޭކަށް ހުޅުވާލައިފި
އަންނައަހަރު އެންމެ އިސްކަމެއްދޭނީ ނަމާދަށް ލޯބިޖެއްސުންމަށް: ޝަހީމް
އިސްލާހުތަކަކީ މިނިވަންކަމާ ސިޔާދަތަށް މުހިންމު ނިންމުންތަކެއް: ރައީސް
