މަސްތުވާތަކެތިކަމަށް ޝައްކުކުރެވޭ އެއްޗެއް ހުރި ބުލެޓް ސައިޒުގެ 15 ރަބަރު ޕެކެޓް ފުލުހުން ހޯދައިފި

މަސްތުވާތަކެތިކަމަށް ޝައްކުކުރެވޭ އެއްޗެއް ހުރި ބުލެޓް ސައިޒުގެ 15 ރަބަރު ޕެކެޓް ހއ. ހޯރަފުށީ ޕޮލިސް ސްޓޭޝަނުން ހޯދައިފިއެވެ.

ފުލުހުން ހާމަކުރައްވާ ގޮތުގައި މި ތަކެތި ހޯދާފައިވަނީ ހޯރަފުށްޓަށް މަސްތުވާތަކެތި އެތެރެކުރަން އުޅޭ ކަމަށް ޕޮލިސް އިންޓެލިޖެންސަށް ލިބުނު މަޢުލޫމާތަކާއި ގުޅިގެން ޕޮލިސް އިންޓެލިޖެންސާއި ހޯރަފުށީ ޕޮލިސް ސްޓޭޝަން ގުޅިގެން ހިންގި އޮޕަރޭޝަނެއްގައި މި މަހު 11 ވަނަ ދުވަހު މާލެއިން ފުރައިގެން ހޯރަފުއްޓަށް އައި ބޯޓެއްގައި ހުރި ފޮށިގަނޑެއްގެ ތެރެއިންނެވެ.

މި މައްސަލައާއި ގުޅިގެން އަދި އެއްވެސް މީހަކު ހައްޔަރު ކޮށްފައި ނުވާ ކަމަށް މައުލޫމާތު ލިބެއެވެ. އެހެން ނަމަވެސް ހޯރަފުށީ ޕޮލިސް ސްޓޭޝަނުން މިހާރު ގެންދަނީ މިމައްސަލަ ތަހުގީގް ކުރަމުންނެވެ.