twitterviber whatsapp telegramfacebookyoutube instagram
12th May 2025

ކުޅުދުއްފުށީގައި ވެޑިންގ ޕާޓީތަކަށް މާ އަދި މާބޮނޑި ހަދަން ދަސްކޮށްދޭ ކޯހެއް ހިންގަނީ

Mar 26, 2013

ކުޅުދުއްފުށީގައި މާ އަދި މާބޮނޑި ހަދަން ދަސްކޮށްދޭ ކޯހެއް އަންނަ އެޕްރީލް މަހުގެ 9 ވަނަ ދުވަހު ފަށާނެ ކަމަށް މައުލޫމާތު ލިބިއްޖެ އެވެ.

މިނޫހަށް މައުލޫމާތު ދެއްވަމުން މިކަން އިންތިޒާމް ކުރައްވާ ގއ ވިލިނގިލި ޒުދުލީނާ ޒައީމް (ޒުދޫ) ވިދާޅުވީ މި ކޯސް ކުޅުދުއްފުށީގައި ހިންގުމަށް ވަރަށް ގިނަ ބަޔަކު އެދެމުންދާތީ ކަމަށެވެ. އަދި މިފަހަރު ކުރިއަށްގެންދަނީ ބޭސިކް ކަމަށާއި އެޑްވާންސްގެ ބުރެއްވެސް ކުރިއަށް ގެންދިޔުމަށް ވިސްނަމުންދާ ކަމަށް ހާމަ ކުރެއްވިއެވެ.

އެއް ހަފްތާގެ މުއްދަތަކަށް ކުރިއަށްގެންދާ މިކޯހުގައި ވެޑިން ބޮކޭ އާއި 5 ވައްތަރެއްގެ މާ ހަދަން ދަސްކޮށްދޭނެ ކަމަށް އެފަރާތުން މައުލޫމާތު ދެއްވައެވެ. އަދި މިކޯސް ފުރިހަމަ ކުރުމުން ހެދުމާއި ބުރުގަލުގަ ޖަހާ މާ ހަދަންވެސް ދަސްވާނެ ކަމަށް އެފަރާތުން ހާމަކުރައްވަ އެވެ.

ދެހާސް ރުފިޔާގެ ފީއެއް ކަނޑައެޅިފައިވާ މި ކޯހުގައި ބޭނުންކުރާނެ ހުރިހާ ތަކެއްޗެއްވެސް މިކަން އިންތިޒާމް ކުރާ ފަރާތުން ހަމަޖައްސާނެއެވެ. ކުޅުދުއްފުށީ “ވާސާ” ގޭގައި ކުރިއަށްގެންދިޔުމަށް ހަމަޖެހިފައިވާ މިކޯހުގައި 20 ބައިވެރިންނަށް ވަނީ ޖާގަ ހުޅުވާލެވިފައެވެ. އަދި މި ކޯހުގައި ނަންނޯޓު ކުރުމަށް ބޭނުންވާ ފަރާތްތަކުން އެފަރާތާއި (7689551) ގުޅައިގެން އެކަން ހަމަޖެއްސެވުމަށް ޒުދުލީނާ އެދިލެއްވިއެވެ.

މިކޯސް އިންތިޒާމް ކުރައްވާ ޒުދުލީނާ އަކީ ނިއުޒިލެންޑްގައި އިންޓީރިއާ ޑިޒައިންނާއި، ވެޑިންގ ޑިޒައިންގެ ދާއިރާއިން ކިޔަވާފައިވާ ފަރާތެކެވެ.

Kulhudhuffushi Online
Hikifinifenmaage
Maalihaa Magu
H.Dh. Kulhudhuffushi
Tel: 6528355, 7978355