ރެޑްކްރެސެންޓުން ސްޓޭންޑަރޑް ފަސްޓް އެއިޑް ޓްރެއިނިންގ ޕްރޮގްރާމެއް ބާއްވައިފި

ކުޅުދުއްފުށީގައި ރެޑްކްރެސެންޓުން ސްޓޭންޑަރޑް ފަސްޓް އެއިޑް ޓްރެއިނިންގ ޕްރޮގްރާމެއް ބާއްވައިފި އެވެ.

މިނޫހަށް މައުލޫމާތު ދެއްވަމުން ދިވެހި ރެޑްކްރެސެންޓްގެ ޕްރޮގްރާމް އޮފިސަރ ހެލްތު، ފާތުމަތު ހިމްޔާ ވިދާޅުވީ މި ޕްރޮގްރާމް ކުރިއަށްދިޔައީ ވަރަށް ހިތްހަމަޖެހޭ ގޮތަށް ކަމަށާއި، މީގެ އެދެވޭ ނަތީޖާ ނުކުންނާނީ ތަމްރީނުވި ބައިވެރިން އަމަލީ މައިދާނުގައި މިކަންކަން ކުރުމުން ކަމަށެވެ.

ހިމްޔާ ވިދާޅުވީ ސްޓޭންޑާރޑް ފަސްޓް އެއިޑާއި ބެހޭގޮތުން ބައިވެރިންނަށް މައުލޫމާތު ދެވިފައިވާނޭ ކަމަށާއި ބޮޑަށް ކުރިއަށްގެންގޮސްފައިވާނީ ޕްރެކްޓިކަލް ބައިތައް ކަމަށެވެ.

މިޕްރޮގްރާމްގައި ބައިވެރިވުމުގެ ފުރުސަތު ލިބިފައިވަނީ ފެބްރުއަރީ މަހުގެ 22 ވަނަ ދުވަހު ކުޅުދުއެްފުށީގައި ބޭއްވުނު ރޯޑު ޝޯވ ގައި ރެޑްކްރެސެންޓް ވޮލަންޓިއަރ އަށް ކުރިމަތިލީ ފަރާތްތަކަށެވެ.

މިގޮތުން މާރޗް މަހުގެ 29 އިން 31 ގެ ނިޔަލަށް ހދ. އަތޮޅު ތަޢުލީމީ މަރުކަޒުގައި ކުރިއަށްދިޔަ މި ފަސްޓް އެއިޑް ޓްރެއިނިންގ ޕްރޮގްރާމްގައި 10 ފަރާތަކުން ވަނީ ބައިވެރިވެފައެވެ.