ނާސިންގ ދާއިރާގެ ޑިގްރީ ކޯސްތައް ވިލާ ކޮލެޖުން ފަށަނީ

ނާސިންގ ދާއިރާގެ ޑިގްރީ ކޯސްތަކެއް ފެށުމަށް ވިލާ ކޮލެޖުން އެމްއޯޔޫއެއްގައި ސޮއިކޮށްފި އެވެ.

މެލޭޝިޔާގެ އޯޕަން ޔުނިވާސިޓީއާ ގުޅިގެން މި ކޯސްތައް މި ކޯސްތައް ފެށުމާ ގުޅޭ ގޮތުން އެމްއޯޔޫގައި ވިލާ ކޮލެޖްގެ ފަރާތުން ރެކްޓަރ ޑރ. އަހުމަދު އަންވަރު ސޮއިކުރެއްވި އިރު އޯޕަން ޔުނިވަސިޓީގެ ފަރާތުން ސޮއިކުރެއްވީ ޕްރޮފެސަރު އަންވަރު އަލީ އެވެ. ސޮއިކުރުމުގެ މި ރަސްމިއްޔާތުގައި ވިލާ ކޮލެޖުގެ އިސްވެރިން ވެސް ބައިވެރިވެ ވަޑައިގެންނެވި ކަމަށް އެ ކޮލެޖުން މައުލޫމާތު ދެއެވެ.

އަންނަ އަހަރު ވިލާކޮލެޖުން  ފަށާ ނާސިން ޑިގްރީ ކޯސްތަކަކީ ހަތަރު އަހަރު ދުވަހުގެ ކޯސްތަކެކެވެ. އަދި އެއީ އޯޕަން ޔުނިވަސިޓީގައި މިހާރުވެސް ކުރިއަށް ގެންދާ، މެލޭޝިޔާގެ ކޮލިފިކޭޝަން އޮތޯރިޓީން ގަބޫލުކުރާ ކޯހެއް ވެސް މެއެވެ.