މަސްތުވާތަކެތީގެ ނުރައްކަލަށް ހޭލުންތެރިކުރުމުގެ ޕްރޮގްރާމެއް ކުޅުދުއްފުށީގައި ކުރިއަށް ގެންގޮސްފި

މަސްތުވާތަކެއްޗާ ދެކޮޅަށް މަސައްކަތްކުރާ އަމިއްލަ ޖަމިއްޔާއެއް ކަމުގައިވާ ޖާރނީގެ ފަރާތުން މަސްތުވާތަކެތީގެ ނުރައްކަލަށް ހޭލުންތެރިކުރުމުގެ ޕްރޮގްރާމެއް ކުޅުދުއްފުށީ ގައި ކުރިއަށް ގެންގޮސްފި އެވެ

އެއް ދުވަހުގެ ނިޔަލަށް ކުރިއަށް ގެންދިޔަ މި ޕްރޮގްރާމާ ބެހޭ ގޮތުން އެ ޖަމިއްޔާގެ ސީއީއޯ މުހައްމަދު ޞަބާހު ވިދާޅުވީ  މިއީ ވަރަށް ކާމިޔާބު ޕްރޮގްރާމެއް ކަމަށާއި މި ޕްރޮގްރާމުގެ ސަބަބުން ބައިވެރިންނަށް އިތުރު އެއްޗެހި ތަކެއް ދަސްވެފައި ވާކަމަށެވެ. އަދި  މިފަދަ ކޮންމެ ޕުރޮގްރާމަކަށް ކުޅުދުއްފުށީ ކައުންސިލް އިދާރާ އާއި ކުޅުދުއްފުށީ އަންހެނުން ކޮމެޓީ ދެއްވާ  އެއްބާރު ލުން ޞަބާހު ފާހަގަ ކުރައްވަ އެވެ.

ހޮނިހިރު ދުވަހު ހެނދުނު 10:00 އިން ހަވީރު 4:30 އަށް ކުރިއަށް ގެންދިޔަ މި ޕްރޮގުރާމު ގައި ވަނީ ޖުމްލަ 26 ދަރިވަރުން ބައިވެރިވި ވެފައެވެ. މިއީ ޖާރނީ ގެ ފަރާތުން ކުޅުދުއްފުށީ ގައި  ބޭއްވި 3 ވަނަ ޕުރޮގްރާމެވެ.