ތަފާތު އެކި މައްސަލަތަކުގައި 7 އަހަރަށް ވުރެ ގިނަ ދުވަހުގެ ހުކުމެއް ކުޅުދުއްފުށީ މީހެއްގެ މައްޗަށް ކޮށްފި

ތަފާތު އެކި މައްސަލަތަކުގައި 7 އަހަރާއި 9 މަސްދުވަހުގެ ޖަލު ހުކުމެއް ކުޅުދުއްފުށީ ޒޭވަރު އަބުދުލް ގާދިރު މުހައްމަދު،  23، ގެ މައްޗަށް ކުޅުދުއްފުށީ މެޖިސްޓްރޭޓް ކޯޓުން އިއްވައިފި އެވެ.

އަބުދުލް ގާދިރުގެ މައްޗަށް ކުރެވިފައިވާ ދައުވާތަކަށް ޝަރީއަތް ކުރުމަށްފަހު އިއްވާފައިވާ ހުކުމްތަކަށް ބަލާއިރު  ޖަމާއަތް  ހަދައިގެން ފޭރުނު މައްސަލައިގައި 2 އަހަރާއި 6 ދުވަހުގެ ހުކުމެއް އިއްވި އެވެ. އަދި ވައްކަމުގެ މައްސަލައެއްގައި ގައި 3 އަހަރާއި 6 މަސްދުވަހުގެ ހުކުމެއް އިއްވި އެވެ. އަދި އަމުރަށް ނުކިޔަމަންތެރިވި 2 މައްސަލައެއްގައި ގައި 9 މަސް ދުވަހުގެ ހުކުމެއް އިއްވުމުގެ އިތުރުން ކުޑަކަމުދާ ތަކެތި ދިނުމަށް އިންކާރު ކުރި މައްސަލައެއް ގައި 1 އަހަރު ދުވަހުގެ ހުކުމެއް އައިސްފައިވެއެވެ.

މީނާއާއެކު ޖަމާއަތް ހަދައިގެން ފޭރުނު މައްސަލައިގައި 2 އަހަރާއި 6 މަސް ދުވަހުގެ ހުކުމެއް އައި އަނެއް މީހަކީ ކުޅުދުއްފުށީ ގުމުރީގެ ޞަބާޙު މުހައްމަދެވެ. މިހުކުމުގެ އިތުރުން ކުޑަކަމުދާ ތަކެތި ދިނުމަށް އިންކާރު ކޮށްފައިވާތީ  1 އަހަރު ދުވަހުގެ ހުކުމެއް ވަނީ ޞަބާހުގެ މައްޗަށް އިއްވާފަ އެވެ.