ބިދޭސީ ނަރުހުން އުޅޭ ގެއަކުން ވައްކަންކޮށްފި

ކުޅުދުއްފުށީ ރީޖަނަލް ހޮސްޕިޓަލްގެ ބިދޭސީ ތިން ނަރުހަކު ދިރިއުޅޭ “މާވަރު” ގެ އިން ވައްކަން ކޮށްފި އެވެ.

ކުޅުދުއްފުށީ ޕޮލިސް ސްޓޭޝަނުން ބުނީ ފުލުހުންނަށް އިއްޔެ ހެނދުނު 10:30 ގައި ލިބުނު ވައްކަމުގެ ރިޕޯޓަކާއި ގުޅިގެން މާވަރު ގެއަށް ގޮސް އެމައްސަލަ ބަލަމުން ދާ ކަމަށެވެ.

އަދި މިހާތަނަށް ބެލިބެލުމުން އެގެއިން 1200 ރުފިޔާއާއި ސީޑީ ޕްލޭޔަރެއް ގެއްލިފަވާ ކަން އެނގިފައިވާ ކަމަށްވެސް ފުލުހުން ބުންޏެވެ.

މިމައްސަލައިގައި އަދި މިހާތަނަށް އެއްވެސް މީހަކު ހައްޔަރުކޮށްފައެއް ނުވެއެވެ.

މިމައްސަލަ މިހާރު ކުޅުދުއްފުށީ ޕޮލިސް ސްޓޭޝަނުން ގެންދަނީ ތަހުގީގު ކުރަމުންނެވެ.