އައިޕީއެސްގެ ޖަމްބަލް ސޭލްއިން 30 ހާހަށްވުރެ ގިނަ ރުފިޔާ އެ ސްކޫލުގެ ޕީޓީއޭއިން ހޯދައިފި

އިރުމަތި އަވަށު ޕްރީ ސްކޫލުގެ ޕީޓީއޭއިން އިންތިޒާމު ކޮށްގެން މިއަދު ކުރިއަށް ގެންދިޔަ ޖަމްބަލް ސޭލުން 30 ހާހަށްވުރެ ގިނަ ރުފިޔާ ހޯދައިފި އެވެ.

އައިޕީއެސް ސްކޫލުގެ ޕީޓީއޭގެ ފަންޑަށް ފައިސާ ހޯދުމަށް މިއަދު ކުރިއަށްގެންދިޔަ ޖަމްބަލް ސޭލްގައި ތަކެތި ވިއްކައިގެން 27715 ރުފިޔާ ލިބިފައިވާއިރު އޭތިމީތި ފަންޑު ފޮށްޓައް ލިބިފައިވަނީ 5339.50 ރުފިޔާ އެވެ. މި ޖަމްބަލް ސޭލްއިން ޖުމްލަ ލިބިފައިވަނީ 33054.50 ރުފިޔާ އެވެ.

މިއަދު މެންދުރުފަހު 2:30 ގައި ފެށުނު މި ސޭލު ހުޅުވައިދެއްވީ ކުޅުދުއްފުށީ ރަށު ކައުންސިލް މެމްބަރު  އަލީ ހަސަނާއި އަތޮޅު ކައުންސިލް މެމްބަރު ޒަކަރިއްޔާ ހަސަންގެ އިތުރުން ކުޅުދުއްފުށީގެ ދެ ވިޔަފާރިވެރިން ކަމުގައިވާ އާޕޮންއިންޓް ފިހާރައިގެ މެނޭޖަރ އަހުމަދު ސަޢުދު އާއި ބަރާބަރު ފިހާރައިގެ މެނޭޖަރ އަހުމަދު އަސްލަމް އަދި އަތޮޅު ކައުންސިލްގެ މެމްބަރު ނަޞްރުﷲ އިސްމާއީލެވެ.

މިހަރަކާތް ކުރިއަށް ގެންގޮސްފައިވަނީ ސްކޫލުގެ ބެލެނިވެރިންގެ މެދުގައި ފަސް ގުރޫޕަކަށް ބަހާލައިގެންނެވެ.