އެސްޓީއޯއިން “ގިފްޓް ޔޯރ ލަވްޑް ވަންސް” ގެ ނަމުގައި ޕްރޮމޯޝަނެއް ފަށައިފި

އެސްޓީއޯއިން “ގިފްޓް ޔޯރ ލަވްޑް ވަންސް” ގެ ނަމުގައި ޕްރޮމޯޝަނެއް ފަށައިފި އެވެ.

މިޕްރޮމޯޝަން ކުރިއަށްދާއިރު ފިލިޕްސްގެ ބަދިގެ ސާމާނާއި  ރީތިވުމަށް ބޭނުންކުރާ އައިޓަމްތަކުން %15 އާ ހަމައަށް ޑިސްކައުންޓް ލިބޭނެކަމަށާއި އަދި މިޕްރޮމޯޝަންގައި 2,000 (ދެހާސް ރުފިޔާ) އަށްވުރެ މަތިން ކުރައްވާ ކޮންމެ ފިލިޕްސްގެ ވިޔަފާރިއަކަށް ފިލިޕްސް ބްލެންޑަރެއް ލިބޭނެ ކަމަށް އެސްޓީއޯ އިން މައުލޫމާތު ދެއެވެ.  އަދި މީގެ އިތުރުން ފިލިޕްސްގެ އެއަރފްރަޔަރ ބައްލަވައިގަތުމުން ފިލިޕްސް ބްލެންޑަރަކާއި ޓޯސްޓަރެއް ހިލޭ ލިބިގެންދާނެ ކަމަށް އެފަރާތުން ހާމަކުރެއެވެ.

އެސްޓީއޯއިން މަޢުލޫމާތުދޭ ގޮތުގައި މިޕްރޮމޯޝަން ކުރިއަށްދާ ދުވަސްތަކުގައި އެސްޓީއޯ ހޯމްއިމްޕްރޫވްމަންޓް އަދި މާލޭގެ އެކި ސަރަހައްދުތަކުގައި ޑެމޯ ސެޝަންތައްވެސް ކުރިއަށްދާނެއެވެ. މިސެޝަންތަކުގައި ފިލިޕްސްގެ މިއައިޓަމްތައް ކަސްޓަމަރުންނަށް ތަޖުރިބާކޮށްލުމުގެ ފުރުސަތުވެސް ލިބިގެންދާނެއެވެ.

މިމަހުގެ 11 އިން 30 ގެ ނިޔަލަށް މިޕްރޮމޯޝަން ކުރިއަށްދާނީ އެސްޓީއޯ ހޯމް އިމްޕްރޫވްމަންޓް، ސުޕަރމާރޓް، ވިލިމާލެ އަދި ހުޅުމާލެ ފިހާރައިންނެވެ.