ކުޅުދުއްފުށީގައި މުޅިން އަލަށް ޤާނޫނީ ދާއިރާގެ ކޯހެއް ފަށަނީ

ދިވެހިރާއްޖޭގެ ގައުމީ ޔުނިވަރސިޓީގެ ކުޅުދުއްފުށީ ކެމްޕަހުގައި މުޅިން އަލަށް ޝަރީއަތާއި ޤާނޫނާ ގުޅޭ ކޯހެއް މިއަހަރުގެ ޖޫން މަހު ފެށުމަށް ނިންމައިފި އެވެ.

އެޑްވާންސް ސެޓްފިކެޓް އިން ޝަރީއާ އެންޑް ލޯ ކޯސް ކުޅުދުއްފުށީ ކެމްޕަހުގައި ކުރިއަށް ދާނީ ބްލޮކް މޯޑަށް އެއް އަހަރުގެ މުއްދަތަށެވެ.

މިކޯހަށް ވަނުމަށް ބޭނުންވާ އެންމެ ދަށް މިންގަނޑެއްގެ ގޮތުގައި ހަމަޖެހިފައިވަނީ ޖީސީއީ އޯލެވެލްގެ 3 މާއްދާއިން ސީ ފާހާއި ދިވެހި ނުވަތަ އިނގިރޭސިން ދަށްވެގެން އީ ފާހެކެވެ. ނުވަތަ 21 އަހަރު ފުރިފައިވުމާއެކު ޖިސީއީ ނުވަތަ އެސްއެސްސީ އިމްތިހާނަކުން 1 ފާސްވެފައިވުންވެސް ޝަރުތުކޮށްފައިވެއެވެ.

މި ކޯހުގެ ފީއަކީ 9696 ރުފިޔާއެވެ.