މަސައްކަތްތެރިންގެ ދުވަސް ފާހަގަކުރުމުގެ ގޮތުން މިއަދު ބޭއްވުމަށް ނިންމާފައިވާ މައުރަޒު ލަސްކޮށްފި

ކުޅުދުއްފުށީ އަންހެނުންގެ ތަރައްޤީއަށް މަސައްކަތްކުރާ ކޮމިޓީން އިންތިޒާމްކޮށްގެން މަސައްކަތްތެރިންގެ ދުވަސް ފާހަގަކުރުމުގެ ގޮތުން މިއަދު ބޭއްވުމަށް ނިންމާފައިވާ މަސައްކަތްތެރިންގެ މައުރަޒު ލަސްކޮށްފި އެވެ.

މިނޫހަށް މައުލޫމާތު ދެއްވަމުން އަންހެނުންގެ ކޮމިޓީގެ ރައީސާ އުއްމުކުލްސޫމް އިބްރާހިމް ވިދާޅުވީ ކުރިން މައުރަޒު މިއަދު ބާއްވަން ހަމަޖެހިފައިވި ނަމަވެސް  ތާރީޚަށް ބަދަލުގެނައީ މިކަމުގައި ބައިވެރިވާ ފަރާތްތަކުގެ އެދުމުގެ މަތިން ކަމަށެވެ. އެގޮތުން މައުރަޒު ބޭއްވުމާ ދެމެދު ލިބިފައިވާ ވަގުތުގައި އެކަށީގެންވާ ގޮތަށް ތައްޔާރު ނުވެވޭނެކަމަށް އެފަރާތްތަކުން ބުނެފައިވާކަން އުއްމު ފާހަގަ ކުރެއްވި އެވެ.

ދެން މި މައުރަޒު ބާއްވާނީ އަހަރުގެ ފަހުކޮޅުގައި ކަމަށާއި އަދި ވަކި ތާރީޚެއް ކަނޑަނޭޅޭ ކަމަށްވެސް އުއްމު ވިދާޅުވިއެވެ. އަދި ތާރީޚު ހަމަޖެހުމުން މައުރަޒުގައި ބައިވެރިވުމުގެ ފުރުސަތު އިތުރަށް ހުޅުވާލާނެކަމަށްވެސް އުއްމު ވިދާޅުވިއެވެ.

ބައިނަލް އަޤްވާމީ މަސައްކަތްތެރިންެގެ ދުވަސް ކުޅުދުއްފުށީގައި ފާހަގަ ކުރަނީ އަންހެނުން ކޮމިޓީއާއި، ވިޔަފާރިވެރިންނާއި ކައުންސިލް ގުޅިގެންނެވެ.