ކުޅުދުއްފުށީ ރީޖަނަލް ހޮސްޕިޓަލްގައި ޤާއިމް ކުރެވިފައިވާ ކިޑްނީ ބަލިތަކަށް ފަރުވާދޭ ޑައިލިސިސް ސެންޓަރު ރަސްމީކޮށް އިއްޔެ ރައީސުލްޖުމްހޫރިއްޔާ ޑރ މުހައްމަދު ވަހީދު ހަސަން ހުޅުވައި ދެއްވައިފި އެވެ.
ޑައިލިސިސް ސެންޓަރު ހުޅުވައިދެއްވީ މިކަމަށްޓަކައި އިއްޔެ ހަވީރު އެ ހޮސްޕިޓަލުގައި އޮތް ހާއްސަ ރަސްމިއްޔާތުގަ އެވެ.
ކުޅުދުއްފުށީ ރީޖަނަލް ހޮސްޕިޓަލުގެ އެކްޓިން ޑެޕިއުޓީ މެނޭޖަރ މުހައްމަދު ހަސަން ވިދާޅުވީ އިއްޔެ ރަސްމީކޮށް އެތަން ހުޅުވުނު ކަމުގައި ވީނަމަވެސް ތަނުން އަދި އެއްވެސް ބަލިމީހަކަށް ފަރުވާ ދީފައި ނުވާނެ ކަމަށެވެ. ކިޑްނީ ބައްޔަށް ފަރުވާ ހޯދަމުންދާ މި ސަރަހައްދުގެ ރައްޔިތުން ފަރުވާ ހޯދަމުންދަނީ މާލެއިން ކަމަށާއި މި ސެންޓަރުގައި ބަލިމީހުންނަށް ފަރުވާ ދޭން ޕޭޝަންޓުން އަދި ލިބިފައި ނުވާކަން މުހައްމަދު ހަސަން ފާހަގަ ކުރެއްވި އެވެ.
މިވަގުތު ސެންޓަރުގައި ހުރީ ޑައިލިސިސް ދެ މެޝިން ކަމަށާއި ބަލިމީހުން އަންނަ ނިސްބަތުން ފަރުވާ ދެވޭނެ ކަމަށްވެސް މުހައްމަދު ވިދާޅުވިއެވެ. އަދި އަމަލީ ކޮށް ތަނުގެ ޚިދުމަތް ދިނުން ފެށިފައި ނުވާތީ ތަނުގައި ދިމާވެދާނެ އިތުރު ދަތިތައް ދެނެގަނެވިފައިނުވާކަންވެސް މުހައްމަދު ފާހަގަ ކުރެއްވި އެވެ.
ރާއްޖޭގައި މެޑިކަލް ސަޕްލައި ވިއްކާ ކުންފުންޏެއްކަމުގައި މެޑިކޮމް ޕްރައިވެޓް ލިމިޓެޑްގެ ފަރާތުން ކުޅުދުއްފުށީ ރީޖަނަލް ހޮސްޕިޓަލަށް މިދިޔަ މާރޗް މަހުގެ ތެރޭގައި 2 ޑައިލެސިސް މެޝިން ވަނީ ހަދިޔާ ކުރައްވާފައެވެ.
ހޮސްޕިޓަލުގައި ޤާއިމް ކުރެވިފައިވާ މި ޑައިލެސިސް ސެންޓަރުގައި ވެސް ބަލިމީހުންނަށް ފަރުވާ ދެއްވާނީ އެޕޮއިންޓްމެންޓް ހައްދައިގެންނެވެ. ކުޅުދުއްފުށީ ރީޖަނަލް ހޮސްޕިޓަލަކީ ސަރަހައްދުގެ 3 އަތޮޅުގެ ރައްޔިތުން ޚިދުމަތް ހޯދަމުން އަންނަ ހޮސްޕިޓަލެކެވެ.
ނޮޅިވަރަމުގެ ޖަމިއްޔަތުއްރިސާލާއިން ޑރ. އާދަމް ޝަމީމްގެ ހާއްސަ ދަރުހެއް ބާއްވަނީ
33 ކޯހާއެކު ޤައުމީ ޔުނިވާސިޓީ ކުޅުދުއްފުށީ ކެމްޕަހުގައި ފެބްރުވަރީ 2025 އިންޓޭކަށް ހުޅުވާލައިފި
އަންނައަހަރު އެންމެ އިސްކަމެއްދޭނީ ނަމާދަށް ލޯބިޖެއްސުންމަށް: ޝަހީމް
އިސްލާހުތަކަކީ މިނިވަންކަމާ ސިޔާދަތަށް މުހިންމު ނިންމުންތަކެއް: ރައީސް
