ޖުމްހޫރީ ޕާޓީގެ ލީޑަރު ހުކުރު ދުވަހު ކުޅުދުއްފުއްޓަށް ވަޑައިގަންނަވަނީ

ޖުމްހޫރީ ޕާޓީގެ ލީޑަރު ގާސިމް އިބްރާހީމް އަންނަ ހުކުރު ދުވަހު ކުޅުދުއްފުއްޓަށް ވަޑައިގަންނަވާނެ ކަމަށް އެ ޕާޓީން ބުނެފި އެވެ.

ޖުމުހޫރީ ޕާޓީގެ އޮފިޝަލަކު މިނޫހަށް މައުލޫމާތު ދެއްވަމުން ވިދާޅުވީ މިއަހަރު އޮންނަ ރިޔާސީ އިންތިހާބަށް ކެމްޕޭން ކުރުމުގެ ގޮތުން ގާސިމް ކުޅުދުއްފުއްޓަށް ވަޑައިގަންނަވާނީ ހުކުރު ދުވަހުގެ މެންދުރު ފަހު ކަމަށެވެ. އަދި މިދަތުރުފުޅުގައި ކުޅުދުއްފުށީގެ ސްކޫލުތަކުގެ ހިންގާ ކޮމިޓީތަކާއި ސްކޫލު ބޯޑާއި ބައްދަލުކުރުމަށް ހަމަޖެހިފައިވާ ކަމަށްވެސް އެފަރާތުން މައުލޫމާތުދެއެވެ.

ރިޔާސީ އިންތިހާބުގެ ކެމްޕޭން ފެށިގެން ކުރިއަށްދާއިރު، މިދިޔަ ހަފުތާގައި، އެމްޑީޕީގެ ރިޔާސީ ކެނޑިޑޭޓް މުހައްމަދު ނަޝީދު ވަނީ ކުޅުދުއްފުއްޓަށް ވަޑައިގެން ޖަލްސާއެއް ބާއްވާފައި އެވެ. އަދި އޭގެ ކުރީ ހަފުތާގެ ތެރޭގައި މިހާރުގެ ރައީސް ޑރ. ވަހީދުވެސް ކުޅުދުއްފުއްޓަށް ވަނީ ވަޑަިއގެންފައިއެވެ.