މިމަހު 14 ވަނަ ދުވަހު ހދ ކުމުންދޫ ސްކޫލުގެ ދަރިވަރަކަށް ހަމަލާދިން ކަމަށް ބުނެ، އެކަމާ ހިތްހަމަ ނުޖެހިގެން އެސްކޫލުގެ ބެލެނިވެރިންގެ ތެރެއިން ބައެއް ސްކޫލަށް ވަދެ ބިދޭސީ ޓީޗަރުގެ ގަޔަށް އަތްލާ މާރާމާރީ ހިންގި މައްސަލައިގައި 3 މީހަކު ފުލުހުންގެ ބެލުމުގެ ދަށަށް ގެންގޮސްފި އެވެ.
މިމައްސަލާގައި ހައްޔަރު ކޮށްފައިވަނީ 41 އަހަރުގެ ފިރިހެނަކާއި 35 އަހަރުގެ ފިރިހެނަކާއި 28 އަހަރުގެ ފިރިހެނެކެވެ.
މިމައްސަލައިގައި އަނިޔާ ލިބުނު ދަރިވަރު އެދުވަހު ކުމުންދޫ ސިއްހީ މަރުކަޒަށް ގެންގޮސް ފަރުވާދިނުމަށް ފަހު ދޫކޮށްލާވާއިރު މިމާރާމާރީގައި ބިދޭސީ ޓީޗަރު ސަލާމަތް ކުރަން އުޅުނު 2 ދިވެހި ޓީޗަރުންނަށް ވެސް ވަނީ އަނިޔާވެގެން ސިއްޙީ މަރުކަޒުން ފަރުވާހޯދާފައެވެ. އަނިޔާ ލިބުނު ބިދޭސީ ޓީޗަރަށް ވަނީ ކުޅުދުއްފުށީ ރީޖަނަލް ހޮސްޕިޓަލުގައި ފަރުވާ ދީފައެވެ.
މިމައްސަލަ ވަރަށް ސީރިއަސް މައްސަލައެއްގެ ގޮތުގައި މޯލްޑިވްސް ޕޮލިސް ސަރވިސްގެ ސީރިއަސް އެންޑް އޮގަނައިޒްޑް ކްރައިމް ޑިޕާޓްމަންޓާއި ކުޅުދުއްފުށީ ޕޮލިސް ސްޓޭޝަން ގުޅިގެން ތަޙުޤީޤު ކުރަމުންދާކަމަށް ފުލުހުން މަޢުލޫމާތު ދެއެވެ.
ނޮޅިވަރަމުގެ ޖަމިއްޔަތުއްރިސާލާއިން ޑރ. އާދަމް ޝަމީމްގެ ހާއްސަ ދަރުހެއް ބާއްވަނީ
33 ކޯހާއެކު ޤައުމީ ޔުނިވާސިޓީ ކުޅުދުއްފުށީ ކެމްޕަހުގައި ފެބްރުވަރީ 2025 އިންޓޭކަށް ހުޅުވާލައިފި
އަންނައަހަރު އެންމެ އިސްކަމެއްދޭނީ ނަމާދަށް ލޯބިޖެއްސުންމަށް: ޝަހީމް
އިސްލާހުތަކަކީ މިނިވަންކަމާ ސިޔާދަތަށް މުހިންމު ނިންމުންތަކެއް: ރައީސް
