އެމަޖެންސީ ހާލަތްތަކުގައި ހަރަކާތްތެރިވާނެ މީހުން ތަމްރީން ކުރުމުގެ ޕްރޮގްރާމެއް ކުޅުދުއްފުށީގައި ބާއްވައިފި

އެމަޖެންސީ ހާލަތްތަކުގައި، ދިވެހި ރެޑް ކްރެސެންޓުގެ ފަރާތުން ހަރަކާތްތެރިވާނެ މީހުން ތަމްރީނު ކުރުމުގެ ޕްރޮގްރާމެއް ކުޅުދުއްފުށީގައި ބާއްވައިފި އެވެ.

ދިވެހި ރެޑްކްރެސެންޓްގެ ސީބީޑީއާރްއާރް ޕްރޮޖެކްޓް ކޯޑިނޭޓަރ ސޮނާތު އަބްދުއްސައްތާރު ވިދާޅުވި ގޮތުގައި މި ޕްރޮގްރާމަކީ، ދިމާވާ އެމަޖެންސީގެ ހާލަތްތަކާއި އެހެނިހެން ހާލަތްތަކުގައި އަމަލު ކުރާނެ ގޮތްތަކާއި މުޖުތަމައުގައި ޓީމެއްގެ ގޮތުން މަސައްކަތް ކުރުމުގައި ކަންތައް ކުރަންޖެހޭނެ ގޮތްތައް ދަސްކޮށްދެވޭނެ ޕުރޮގްރާމެކެވެ. އަދި އޭގެ އިތުރުން އެހީ ބެހުމުގައި އަމަލުކުރަންޖެހޭ ފަދަ މުހިއްމު ބައިތަކެއް މި ތަމްރީނުގެ ތެރޭގައި ކިޔަވައި ދީފައިވާނެ ކަމަށްވެސް ސޮނާތު ވިދާޅުވި އެވެ.

މި ތަމްރީނު ޕްރޮގްރާމްގެ ތެރެއިން އިއްޔެ ވަނީ އަސާސީ އެހީ ދިނުމުގެ ޑްރިލްއެއްވެސް ކުރިއަށް ގެންގޮސްފައެވެ.

މިމަހުގެ 19 އިން 22 އަށް ކުޅުދުއްފުށީ ޤައުމީ އިދާރާގައި ކުރިއަށްދިޔަ މި ތަމްރީނު ޕްރޮގްރާމްގައި ޖުމްލަ 22 ކުދިން ވަނީ ބައިވެރި ވެފައެވެ.