ސަބްލިމޭޝަން ޕްރިންޓިންގެ ޚިދުމަތްދޭ ސްޓޫޑިއޯއެއް ކުޅުދުއްފުށީގައި ހުޅުވައިފި

ސަބްލިމޭޝަން ޕްރިންޓިންގެ ޚިދުމަތްދޭ ސްޓޫޑިއޯއެއް ކުޅުދުއްފުށީގައި ހުޅުވައިފިއެވެ.

” ފޮޓޯމީ” ސްޓޫޑިއޯ ގެ ނަމުގައި އުތުރު އަވަށުގައި ހުންނަ މި ސްޓޫޑިއޯ ހޮނިހިރު ދުވަހު ހުޅުއްވައިދެއްވީ ކުޅުދުއްފުށީ ކައުންސިލުގެ ރައީސް އިބްރާހިމް ރަމީޒެވެ.

ކުޅުދުއްފުށީގައި މިހާރު ވެސް ސްޓޯޑިއޯއެއް ހިންގަމުން އަންނަ އިބްރާހީމް ފައިސަލް ހުޅުވި މި ސްޓޯޑިއޯއާ ބެހޭގޮތުން މިނޫހަށް މައުލޫމާތު ދެއްވަމުން ވިދާޅުވީ ފޮޓޯމެޖިކާއި މި ސްޓޯޑިޔޯ އާއި އެންމެ ބޮޑު ތަފާތަކީ ގިފްޓާއި ޓީޝާޓް، މަގު، ކާޑު ބޯޑު، ފަދަ އެއްޗެއްސަށް ޕްރިންޓް ކުރުމުގެ ޚިދުމަތް މިތަނުން ދިނުން ކަމަށެވެ. އަދި އަމާޒަކީ އަވަސް މުސްތަގުބަލެއްގައި ޓްރޮފީ ހެދޭނެ އިންތިޒާމެއް ހަމަޖެހޭ ވަރަށް މަސައްކަތްތައް ކުރިއަށް ދިއުން ކަމަށާއި މިހާރު މެޝިނަރީސް ތަކުގެ އެހީގައި ޓެސްޓް ކުރުމުގެ މަސައްކަތް ކުރިއަަށްދާކަށްވެސް ފައިސަލް ވިދާޅުވި އެވެ.

ފައިސަލް އިތުރަށް ވިދާޅުވީ މި ސްޓޫޑިޔޯގައިވެސް ފޮޓޯ ނަގާ ސާފުކޮށްދޭނެ ކަމަށާއި އެޕޮއިންޓްމެންޓް ސިސްޓަމަށްވެސް ކުރިއަށް ގެންދަވާނެކަމަށެވެ. މިގޮތުން6527890 ނުވަތަ  9777890 މިނަމްބަރާއި ގުޅުއްވައިގެން އެޕޮއިންމެންޓު ހެއްދެވޭނެ ކަމަށް އެފަރާތުން މައުލޫމާތު ދެއްވައެވެ.

ފޮޓޯމީ ހުޅުވިފައި ހުންނާނީ އާދިއްތައިން ބުރާސްފަތިދުވަހުގެ މެންދުރުފަހު 1 އިން 6 ކަށެވެ. އަދި ރޭގަނޑު 8:30 އިން 10:00 އަށެވެ. އެހެން ނަމަވެސް ހޮނިހިރު ދުވަސް ތަކުގައި ހެނދުނާއި ހަވީރު ގަޑީގައި ވެސް މިތަނުގެ ޚިދުމަތް ދެމުންގެންދާނެ ކަމަށް އެތަނުގެ ވެރިފަރާތުން މައުލޫމާތު ދެއެވެ.