މިދިޔަ އަހަރު ބޭއްވި ޖީސީއީ އޯލެވެލް އިމްތިހާނުން 5 މާއްދާއިން 60 އިންސައްތައަށްވުރެ މަތިން ފާސްވެގެން އުތުރުގެ 8 ސްކޫލަކުން އެޗީވްމެންޓް އެވޯޑް ހާސިލްކޮށްފި އެވެ.
ހޮނިހިރު ދުވަހުގެ ރޭ އޯލެވެލް އިމްތިހާނުގެ ޓޮޕް އެޗީވާރސް އެވޯޑް ދިނުމަށް އޮތް ހަފުލާގައި 5 މާއްދާއިން ފާސްވާ ނިސްބަތް 2011 ވަނަ އަހަރަށް ވުރެ 60 އިންސައްތަ އިތުރުވެފައި ވާތީ އެކަން ފާހަގަ ކޮށްފައި ވެއެވެ. އެގޮތުން 31 ސްކޫލަކުން މި އެވޯޑު ވަނީ ހާސިލު ކޮށްފައެވެ.
އޭގެތެރޭގައި އުތުރުގެ 3 އަތޮޅުގެ 8 ސްކޫލެއް ކަމަށްވާ ށ.އަތޮޅު މަދަރުސާ އާއި، ށ އަތޮޅު ތައުލީމީ މަރުކަޒާއި، ށ މާއުނގޫދޫ ސްކޫލާއި، ށ މިލަންދޫ ސްކޫލާއި، ށ ފުނަދޫ ސްކޫލުގެ އިތުރުން ހދ އަތޮޅު މަދަރުސާ އާއި ހއ ކެލާ މަދަރުސަތުއް ޝެއިހު އިބްރާހީމް އާއި ހއ އުތީމް މަދަރުސަތުއް ސުލްތާން މުހައްމަދު ތަކުރުފާނުލް އައުޒަމް އެވެ.
މީގެ އިތުރުން އެ ހަފުލާގައި ޕްރެގްރެސް އެވޯޑް އުތުރުގެ 9 ސްކޫލަކުންވަނީ ހާސިލް ކޮށްފައެވެ. އޭގެތެރޭގައި ހދ އަތޮޅު މަދަރުސާއާއި، ހދ ނެއްލައިދޫ ސްކޫލާއި، ހދ ނޮޅިވަރަމް ސްކޫލާއި، ހއ އިހަވަންދޫ ސްކޫލާއި ހއ ކެލާ މަދަރުސަތުއް ޝެއިހު އިބްރާހީމް އާއި ހއ އުތީމް މަދަރުސަތުއް ސުލްތާން މުހައްމަދު ތަކުރުފާނުލް އައުޘަމް އާއި ށ އަތޮޅު ތައުލީމީ މަރުކަޒާއި، ށ. ނޫމަރާ ސްކޫލާއި ހއ ފިއްލަދޫ މަދަރުސަތުއް ޞަބާހާއި ހއ ވަށަފަރު ސްކޫލު ހިމެނެއެވެ.
ވޭތުވެދިޔަ އަހަރުގެ ޘާނަވީ އިމްތިހާނުތަކުން ޓޮޕް އެޗީވާރސް އެވޯޑް ކުޅުދުއްފުށީ ޖަލާލުއްދީން ސްކޫލުގެ ހަތް ދަރިވަރަކު ވަނީ ހޯދާފައި އެވެ. އަދި އޯލެވެލްގެ 8 މާއްދާއިން އޭ ފާސް ހޯދައިގެން ދެ ދަރިވަރަކު ވަނީ އެއްވަނަ ހޯދާފައެވެ. އެއީ ހދ ކުޅުދުއްފުށީ ހާލަމް، ހަދީޖާ އަބްދުﷲ އާއި ރައުފާ މުހައްމަދު، ޖައުޒާ އެވެ.
ނޮޅިވަރަމުގެ ޖަމިއްޔަތުއްރިސާލާއިން ޑރ. އާދަމް ޝަމީމްގެ ހާއްސަ ދަރުހެއް ބާއްވަނީ
33 ކޯހާއެކު ޤައުމީ ޔުނިވާސިޓީ ކުޅުދުއްފުށީ ކެމްޕަހުގައި ފެބްރުވަރީ 2025 އިންޓޭކަށް ހުޅުވާލައިފި
އަންނައަހަރު އެންމެ އިސްކަމެއްދޭނީ ނަމާދަށް ލޯބިޖެއްސުންމަށް: ޝަހީމް
އިސްލާހުތަކަކީ މިނިވަންކަމާ ސިޔާދަތަށް މުހިންމު ނިންމުންތަކެއް: ރައީސް
