މިއަހަރުގެ 2 ވަނަ ސެމިސްޓަރގައި އަފީފުއްދީން ސްކޫލުގައި ކިޔަވައިދޭނީ 1 ދަންފަޅި އަށް ކަމަށް އެސްކޫލުން ހާމަކޮށްފި އެވެ.
އެސްކޫލުން ބުނީ 2 ވަނަ ސެމިސްޓަރގެ ބްރޭކަށްފަހު ސްކޫލުގެ ކިޔެވުން މިމަހު 16 ގައި ފެށެން ވާއިރަށް އެއްދަންފަޅި ކިޔެވުން ބަދަލު ކުރުމަށް ކުރަން ޖެހޭ ހުރިހާ ކަމެއް ކުރަމުން ދާކަމަށެވެ. އަދި މިހާރު ހުރިހާ ކުލާސްތަކަށް ވައިޓް ބޯޑު ނޫން އެހެން ހުރިހާ ފަރުނީޗަރ ވެސް ހަމަވެފައި ވާކަމަށް އެ ސްކޫލުން ބުންޏެވެ.
އެއް ދަންފަޅިއަށް ކިޔެވުން ބަދަލު ކުރާއިރު ސްކޫލުގެ ބޯޑާއި މަޝްވަރާކޮށް އެންމެންގެ ޚިޔާލު އެކަމުގައި ހޯދާފައިވާކަމަށް ވެސް އެސްކޫލުން މައުލޫމާތު ދެއެވެ.
އަފީފުއްދީން ސްކޫލުން މިއަހަރުގެ ދިރާސީ އައު އަހަރުގެ ކިޔެވުން ފެށޭއިރަށް އެއް ދަންފަޅިއަށް ބަދަލުކުރުމަށް މަސައްކަތްކުރި ނަމަވެސް ތަފާތު އެކި ސަބަބުތަކާހުރެ އެއް ދަންފަޅިއަށް ކިޔެވުން ފެށޭ ގޮތް ނުވެފައެވެ.
މީގެ ކުރިން ސްކޫލުގެ ހެނދުނުގެ ދަންފަޅީގެ ކިޔެވުން 6:25 ގައި ފެށުން ކަމުގައި ވިޔަސް އެއްދަންފަޅި އަށް ބަދަލު ވުމުން ކިޔެވުން ފެށޭނީ ހެނދުނު 6:45 ގައި ކަމަށް އެ ސްކޫލުން މައުލޫމާތު ދެއެވެ.
ނޮޅިވަރަމުގެ ޖަމިއްޔަތުއްރިސާލާއިން ޑރ. އާދަމް ޝަމީމްގެ ހާއްސަ ދަރުހެއް ބާއްވަނީ
33 ކޯހާއެކު ޤައުމީ ޔުނިވާސިޓީ ކުޅުދުއްފުށީ ކެމްޕަހުގައި ފެބްރުވަރީ 2025 އިންޓޭކަށް ހުޅުވާލައިފި
އަންނައަހަރު އެންމެ އިސްކަމެއްދޭނީ ނަމާދަށް ލޯބިޖެއްސުންމަށް: ޝަހީމް
އިސްލާހުތަކަކީ މިނިވަންކަމާ ސިޔާދަތަށް މުހިންމު ނިންމުންތަކެއް: ރައީސް
