މިއަހަރުގެ ރިޔާސީ އިންތިހާބު ކާމިޔާބު ކުރުމަށް ގައުމީ އިއްތިހާދާއެކު ކޯލިޝަން ހަދާފައިވާ އަދާލަތު ޕާޓީ އާއި ޑީއާރުޕީ އަދި ގައުމީ ޕާޓީގެ ޖަލްސާއެއް ކުޅުދުއްފުށީގައި ބާއްވާގޮތަށް ހަމަޖެހިފައިވާކަމަށް ކޯލިޝަނުން ހާމަކޮށްފި އެވެ.
ގައުމީ އިއްތިހާދު ޕާޓީގެ ސްޕޯކްސް ޕާސަން އައްބާސް އާދިލް ރިޒާ މިނޫހަށް މައުލޫމާތު ދެއްވަމުން ވިދާޅުވީ މިމަހުގެ 11 ވަނަ ދުވަހު ފުޅާ ކޯލިޝަންގެ ޖަލްސާއެއް ކުޅުދުއްފުށީގައި ބާއްވަން ޝެޑިއުލް ކުރެވިފައިވާ ކަމަށާއި މި ޖަލްސާއަކީ ކޯލިޝަންގެ އިސްވެރިން ކުޅުދުއްފުއްޓާއި މި ސަރަހައްދުގެ ރައްޔިތުންނަށް ތައާރަފް ވުމުގެ ގޮތުން ބާއްވާ ޖަލްސާއެއް ކަމަށެވެ. އެހެން ނަމަވެސް މި ޖަލްސާގައި ރައީސް ވަހީދުގެ ރަނިންމޭޓް އިއުލާން ކުރުން ނޯންނާނެ ކަން އައްބާސް ފާހަގަ ކުރެއްވި އެވެ.
އައްބާސް އާދިލް ރިޒާ އިތުރަށް ވިދާޅުވީ މި ޖަލްސާގައި ރައީސުލް ޖުމްހޫރިއްޔާ ޑރ މުހައްމަދު ވަހީދާއި ކޯލިޝަންގައި ބައިވެރިވާ ޕާޓީތަކުގެ އިސް ފަރާތްތަކުން ބައިވެރި ވެލައްވާނެ ކަމަށެވެ.
މިނޫހަށް އެނގިފައިވާ ގޮތުގައި މި ޖަލްސާގައި ޑީއާރުޕީގެ ލީޑަރ އަހުމަދު ތަސްމީން އަލީ އާއި ގައުމީ ޕާޓީގެ ރައީސް ޑރ. ހަސަން ސައީދާއި އަދާލަތު ޕާޓީގެ ރައީސް ޝެއިޚް އިމްރާނު އަބްދު ﷲ ބައިވެރިވެ ލައްވާ ގޮތަށް ވަނީ ހަމަޖެހިފައެވެ.
ނޮޅިވަރަމުގެ ޖަމިއްޔަތުއްރިސާލާއިން ޑރ. އާދަމް ޝަމީމްގެ ހާއްސަ ދަރުހެއް ބާއްވަނީ
33 ކޯހާއެކު ޤައުމީ ޔުނިވާސިޓީ ކުޅުދުއްފުށީ ކެމްޕަހުގައި ފެބްރުވަރީ 2025 އިންޓޭކަށް ހުޅުވާލައިފި
އަންނައަހަރު އެންމެ އިސްކަމެއްދޭނީ ނަމާދަށް ލޯބިޖެއްސުންމަށް: ޝަހީމް
އިސްލާހުތަކަކީ މިނިވަންކަމާ ސިޔާދަތަށް މުހިންމު ނިންމުންތަކެއް: ރައީސް
