ރައީސުލްޖުމްހޫރިއްޔާ ޑރ މުހައްމަދު ވަހީދު ހަސަން ކުރިއަށް އޮތް ރިޔާސީ އިމްތިހާބުގެ ކެމްޕެއިންގައި މިއަދު ކުޅުދުއްފުއްޓަށް ވަޑައިގަތުމަށް ހަމަޖެހިފައި ވާކަމަށް ގައުމީ އިއްތިހާދު ޕާޓީން ހާމަ ކޮށްފި އެވެ.
ރައީސް ވަހީދުގެ މި ދަތުރުފުޅުގައި ކުޅުދުއްފުށީގެ ސްކޫލު ތަކުގެ އިސްވެރިންނާއި ކުޅުދުއްފުށީ އަންހެނުން ތަރައްގީ އަށް މަސައްކަތް ކުރާ ކޮމެޓީގެ މެމްބަރުންނާއި ކުޅުދުއްފުށީގެ ޒުވާނުންނާއި ބައްދަލު ކުރުމަށް ހަމަޖެހިފައިވާކަމަށް އެޕާޓީން މައުލޫމާތު ދެއެވެ. އަދި މިރޭ ކުޅުދުއްފުށީ އަފީފުއްދީން ސްކޫލުގައި ކޯލިޝަންގެ ޖަލްސާ އެއް ބާއްވާ ގޮތަށް ވަނީ ހަމަޖެހިފަ އެވެ.
ރައީސް ވަހީދުގެ މިދަތުރުގައި ގައުމީ އިއްތިހާދު ޕާޓީ އާއި ކޯލިޝަނުން ހަދާފައިވާ ޕާޓީ ތަކުގެ އިސްވެރިން ބައިވެރިވާ ގޮތަށް ވަނީ ހަމަޖެހިފައެވެ. މިގޮތުން ރައީސް ވަހީދުގެ ރަނިންމޭޓް ތަސްމީނު އަލީ އާއި ގައުމީ ޕާޓީގެ ލީޑަރ ޑރ ހަސަން ސައީދާއި އަދާލަތު ޕާޓީގެ ރައީސް އިމްރާނު އަބުދުﷲ ގެ އިތުރުން ފުޅާ ކޯލިޝަންގެ އިސް ގިނަ އޮފިޝަލުން ތަކެއް މިދަތުރުގައި ބައިވެރިވާނެކަމަށް މައުލޫމާތު ލިބެއެވެ.
ރައީސް ވަހީދު މިއަދު ކުޅުދުއްފުއްޓަށް ވަޑައިގަތުމަށް ހަމަޖެހިފައިވަނީ މެންދުރު 11 ޖަހާއިރު އުތުރު ބަނދަރަށެވެ.
ނޮޅިވަރަމުގެ ޖަމިއްޔަތުއްރިސާލާއިން ޑރ. އާދަމް ޝަމީމްގެ ހާއްސަ ދަރުހެއް ބާއްވަނީ
33 ކޯހާއެކު ޤައުމީ ޔުނިވާސިޓީ ކުޅުދުއްފުށީ ކެމްޕަހުގައި ފެބްރުވަރީ 2025 އިންޓޭކަށް ހުޅުވާލައިފި
އަންނައަހަރު އެންމެ އިސްކަމެއްދޭނީ ނަމާދަށް ލޯބިޖެއްސުންމަށް: ޝަހީމް
އިސްލާހުތަކަކީ މިނިވަންކަމާ ސިޔާދަތަށް މުހިންމު ނިންމުންތަކެއް: ރައީސް
