މަސްތުވާތަކެތި އެތެރެކުރަން އުޅުނު ކަމުގެ ތުހުމަތުގައި ހަނިމާދޫ އެއާޕޯޓުން ކުޅުދުއްފުށި މީހަކު ފާސްކޮށްފި

މަސްތުވާތަކެތި އެތެރެކުރަން އުޅުނު ކަމުގެ ތުހުމަތުގައި ހަނިމާދޫ އެއާޕޯޓުން ކުޅުދުއްފުށި މީހަކު ފާސްކޮށްފި އެވެ.

މަސްތުވާތަކެތި އެތެރެކުރަން އުޅުނު ކަމުގެ މައުލޫމާތު ފުލުހުންގެ އިންޓެލިޖެންސަށް ލިބިގެން ބަލާފާސްކޮށްފައިވަނީ އުމުރުން 29 އަހަރުގެ ފިރިހެނެކެވެ.

މިމަހުގެ 22 ވަނަ ދުވަހުގެ ރޭ މާލެއިން ފުރައިގެން ދަރަވަންދޫ މަގުން ހަނިމާދުއަށް ދަތުރުކުރި މަތިންދާބޯޓަކުން ފޭބި މިމީހާ ހަނިމާދުއަށް ފޭބި ވަގުތު ބަލާފާސްކުރުމަށްފަހު ދޫކޮށްލާފައިވަނީ އޭނާގެ އަތުގައި މަސްތުވާތަކެތި ނެތުމުން ކަމަށް ފުލުހުން މައުލޫމާތު ދެއްވައެވެ.

ފުލުހުންގެ މީޑިޔާ އޮފިޝަލް ވަނީ  22 ވަނަ ދުވަހުގެ ރޭ މީހަކު މަސްތުގެ ހާލަތުގައި ހުރި ކަމުގެ ތުހުމަތުގައި ހަނިމާދޫން ބަލާފާސްކޮށްފައިވާކަން މިނޫހަށް ކަށަވަރު ކޮށްދެއްވާފަ އެވެ. އަދި ބަލާ ފާސްކުރުމަށްފަހު ވަގުތުން ދޫކޮށްލާފައިވާކަމަށްވެސް މީޑިޔާ އޮފިޝަލް ވިދާޅުވި އެވެ. އެމީހާ އާބެހޭ އިތުރު މައުލޫމާތު ހާމައެއް ނުކުރެއެވެ.