ރާއްޖޭގެ އެންމެ ބޮޑު އެއް ހޮސްޕިޓަލް ކަމަށްވާ އޭޑީކޭ ހޮސްޕިޓަލުގެ ކޯލް ސެންޓަރު ކުޅުދުއްފުށީގައި ގާއިމު ކުރުމަށް ނިންމާފައިވާ ކަމަށް އޭޑީކޭ ގުރޫޕް ސީއީއޯ އަހުމަދު ނާޝިދު ވިދާޅުވެއްޖެ އެވެ.
ނާޝިދު މިހެން ވިދާޅުވީ އޭޑީކޭ ކުންފުނީގެ ނޮދަން ޑިސްޓްރިބިއުޝަން ސެންޓަރު ހުޅުވުމަށް މިރޭ ކުޅުދުއްފުށީގައި ބޭއްވި ރަސްމިއްޔާތުގައި އެވެ. ނާޝިދު ވިދާޅުވީ އޭޑީކޭގެ ހޮސްޕިޓަލް އިތުރަށް ފުޅާ ވެގެން ބޮޑު ވަމުން އަންނަ އިރު އެންމެ ގިނަ މީހުންގެ ޝަކުވާ އަކަށް ވެފައި ވަނީ އޭޑީކޭ ހޮސްޕިޓަލްގެ ފޯނު ނުނަގާކަމުގެ ޝަކުވާ ކަމަށެވެ.
ދުވާލެއްގެ މައްޗަށް 2800 އަށް ވުރެ ގިނަ ކޯލް އަންނަ އޭޑީކޭ ހޮސްޕިޓަލުން މިހާރު ވިސްނާފައިވަނީ ކޯލް ސެންޓަރެއް ގާއިމު ކުރުމަށް ކަމަށާއި އެކޯލް ސެންޓަރ ގާއިމް ކުރާނީ ކުޅުދުއްފުށީގައި ކަމަށް އޭޑީކޭ ނާޝިދު ވިދާޅުވި އެވެ. އެގޮތުން މިހާރު އޭޑީކޭގެ ކޯލް ސެންޓަރެއް ގާއިމު ކުރުމަށް ދިރާގާއި އެކު ބައިމިލިއަން ދިވެހި ރުފިޔާގެ އެއްބަސް ވުމެއްގައި ވަނީ ސޮއިކޮށްފައެވެ.
ނާޝިދު ވިދާޅުވީ ކުޅުދުއްފުށީގައި އޭޑީކޭ ހޮސްޕިޓަލުގެ ކޯލް ސެންޓަރު ގާއިމު ކުރުމުން ކުޅުދުއްފުށިން 40 ވަރަކަށް ވަޒީފާ އުފެދޭނެ ކަމަށެވެ. އޭޑީކޭގެ ފިހާރައެއް ކުޅުދުއްފުށީގައި މިރޭ ހުޅުވިއިރު، އޭޑީކޭ ހޮސްޕިޓަލުގެ ފަރާތުން މާދަމާ މެޑިކަލް ކޭމްޕެއް ބާއްވާގޮތަށް ވަނީ ހަމަޖެހިފައި އެވެ.
ނޮޅިވަރަމުގެ ޖަމިއްޔަތުއްރިސާލާއިން ޑރ. އާދަމް ޝަމީމްގެ ހާއްސަ ދަރުހެއް ބާއްވަނީ
33 ކޯހާއެކު ޤައުމީ ޔުނިވާސިޓީ ކުޅުދުއްފުށީ ކެމްޕަހުގައި ފެބްރުވަރީ 2025 އިންޓޭކަށް ހުޅުވާލައިފި
އަންނައަހަރު އެންމެ އިސްކަމެއްދޭނީ ނަމާދަށް ލޯބިޖެއްސުންމަށް: ޝަހީމް
އިސްލާހުތަކަކީ މިނިވަންކަމާ ސިޔާދަތަށް މުހިންމު ނިންމުންތަކެއް: ރައީސް
