ވިލާ ކޮލެޖުގެ ދަރިވަރުން ލޭ ހަދިޔާ ކުރުމުގެ ކޭމްޕެއް ބާއްވައިފި

ވިލާ ކޮލެޖުގެ ދަރިވަރުން ލޭ ހަދިޔާކުރުމުގެ ކޭމްޕެއް ބާއްވައިފި އެވެ.

ވިލާ ކޮލެޖުގެ އީ ކުލަބުގެ ފަރާތުން އިންތިޒާމުކުރި ލޭ ހަދިޔާކުރުމުގެ މި ކޭމްޕު ކުރިއަށް ގެންގޮސްފައިވަނީ އިއްޔެ ވިލާ ކޮލެޖުގެ ކިއުއައި ކެމްޕަހުގައެވެ.

ލޭހަދިޔާކުރި ދަރިވަރަކު މިނޫހަށް މައުލޫމާތު ހިއްސާކުރަމުން ބުނީ ލޭ ހަދިޔާ ކުރުމަށް 59 ކުދިން ރަޖިސްޓްރީ ކުރި ކަމަށާއި އެހެން ނަމަވެސް ލޭހަދިޔާކުރެވުނީ 33 ކުދިންނަށް ކަމަށެވެ. އަނެއް 26 ދަރިވަރުންނަށް ލޭ ހަދިޔާ ނުކުރެވުނީ ބްލަޑް ކައުންޓް ދަށްވެފައިވާތީކަންވެސް އެދަރިވަރު ބުންޏެވެ. އިއްޔެގެ މި ހަރަކާތުން 14.85 ލީޓަރުގެ ލޭ މޯލްޑިވްސް ބްލަޑު ސާވިސްއަށް ވަނީ ހަދިޔާ ކޮށްފައެވެ.

އިއްޔެ ކުރިއަށްދިޔަ މި ކޭމްޕުގައި ވިލާ ކޮލެޖުގެ ބިޒްނަސް ފެކަލްޓީގެ ޑީން އަލީ ރަޝީދާއި، ލެކްޗަރާ ރީޝާ އަބްދުލް މުހައިމިންގެ އިތުރުން ސްޓޫޑަންޓް އެސޯސިއޭޝަންގެ ރައީސް ލޫޝާން ސައީދުވެސް ވަނީ ލޭ ހަދިޔާ ކުރައްވާފައެވެ.